ലണ്ടന്‍: ലണ്ടനിലെ ബര്‍മ്മിങ്ങാമിലെ കേപ്പ് ഹില്ലിലുനുള്ള ജൂവലറിയില്‍ നടന്ന മോഷണത്തിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി.. എട്ടു ടണ്‍ ഭാരമുള്ള കൂറ്റന്‍ ട്രക്ക് പിന്നോട്ടെടുത്ത് ജൂവലറിയുടെ മുന്‍ഭാഗം തകര്‍ത്ത മോഷ്ടാക്കള്‍ ജീവനക്കാരെ ഭീഷണിപ്പെടുത്തി ആഭരണങ്ങള്‍ തട്ടിയെടുത്തശേഷം ഔഡി കാറില്‍ കയറി രക്ഷപ്പെടുന്നതിന്റെ വീഡിയോയാണ് വൈറലായിരിക്കുന്നത്. മുഖംമൂടി ധരിച്ച്‌ ആയുധധാരികളായെത്തിയ കവര്‍ച്ചാസംഘത്തെ സംഭവം നടന്ന് രണ്ടുദിവസമായിട്ടും പൊലീസിന് പിടികൂടാനായിട്ടില്ല.
also read:പയ്യന്നൂര്‍ പവിത്രമോതിരത്തെ കുറിച്ച് നിങ്ങള്‍ക്ക് എന്തൊക്കെ അറിയാം ?
വെള്ളിയാഴ്ച രതിയായിരുന്നു സംഭവം. ഒരു ആസൂത്രിത കൊള്ളയടിയായിരുന്നു ഇത്. ഭീമൻ ട്രക്ക് ജുവലറിയിലേക്ക് ഇടിച്ചു കയറിയതിന് തൊട്ട് പിന്നാലെ മുഖംമൂടി ധരിച്ച സംഘവും ജുവലറിയിലേക്ക് കടന്നുകയറി. ട്രക്ക് ഇടിച്ചു കയറിയ അമ്പരപ്പ് മാറുന്നതിന് മുൻപ് കവർച്ചാസംഘം ജുവലറിയിൽ കടന്നു കയറിയിരുന്നു. കവർച്ച എതിർക്കാൻ ശ്രമിച്ചവരെ ഇവർ തോക്കും മറ്റ് ആയുധങ്ങളും കാണിച്ച് ഭയപ്പെടുത്തി. സംഘത്തിലെ ഒരാൾ ആഭരണങ്ങൾ വാരി ഒരു ബാഗിൽ ഇടുകയും പിന്നീട പുറത്ത് കാത്തുനിന്ന ഔഡി കാറിലേക്ക് സംഘം കയറി രക്ഷപ്പെടുകയായിരുന്നു. ഇവരെ പിടികൂടാൻ ശ്രമിച്ച പോലീസുകാരനും പരുക്കേറ്റു. സംഭവം കണ്ടുനിന്ന ഒരാളാണ് ദൃശ്യങ്ങൾ പകർത്തിയത്. സമൂഹ മാധ്യമങ്ങളിൽ ദൃശ്യങ്ങൾ വൈറലാണ്.
Post Your Comments