അബുദാബി : അബുദാബിയിലെ സ്‌കൂളില്‍ ആണ്‍വിദ്യാര്‍ത്ഥിയെ ടീച്ചര്‍ ലൈംഗിക താല്‍പ്പര്യത്തോടെ സമീപിച്ചു. ഇതേ തുടര്‍ന്ന് ആ അദ്ധ്യാപിക അബുദാബി കോടതിയില്‍ വിചാരണ നേരിടുകയാണ്.
കേസിന് ആസ്പദമായ സംഭവത്തെ കുറിച്ച് വിദ്യാര്‍ത്ഥി പറയുന്നത് ഇങ്ങനെ. ഒരു ദിവസം ക്ലാസിലെ ബ്ലാക്ക് ബോര്‍ഡില്‍ നഗ്നമായ രീതിയില്‍ പുരുഷനേയും സ്ത്രീയേയും വരച്ചു. തുടര്‍ന്ന് അദ്ധ്യാപിക തന്റെ സീറ്റിനരികില്‍ ഇരിക്കുകയും അരക്കെട്ടില്‍ മറ്റൊരു തരത്തില്‍ സ്പര്‍ശിക്കുകയും ചെയ്തു. ഇതേ തുടര്‍ന്ന് താന്‍ ഇക്കാര്യം വീട്ടില്‍ അറിയിക്കുകയും തന്റെ പിതാവ് അദ്ധ്യാപികയ്‌ക്കെതിരെ കേസ് നല്‍കുകയുമായിരുന്നു. ക്ലാസില്‍ ഇംഗ്ലീഷ് പഠിപ്പിയ്ക്കുന്ന അമേരിക്കന്‍ യുവതിയായ അദ്ധ്യാപികയ്‌ക്കെതിരെയാണ് ലൈംഗികചുവയോടെ പെരുമാറിയതിന് പൊലീസ് കേസ് രജിസ്റ്റര്‍ ചെയ്തിരിക്കുന്നത്.
എന്നാല്‍ അദ്ധ്യാപികയ്ക്ക് വേണ്ടി കോടതിയില്‍ ഹാജരായ വക്കീല്‍ ഇതിനെ ശക്തിയായി എതിര്‍ത്തു. സംഭവം നടന്നു എന്നു പറയുന്ന ദിവസം 25 കുട്ടികള്‍ ക്ലാസില്‍ ഉണ്ടായിരുന്നു. എന്നാല്‍ ഈ ഒരു സംഭവം കണ്ടതായി ആരും പറയുന്നില്ല.
മാത്രമല്ല ക്ലാസിലെ ലീഡറായിരുന്ന കുട്ടിയെ ആ സ്ഥാനത്തു നിന്നും മാറ്റി മറ്റൊരു കുട്ടിയെ ലീഡറാക്കിയിരുന്നു. ഇതിലുള്ള വൈരാഗ്യത്തിലാകാം കുട്ടി അദ്ധ്യാപികയ്‌ക്കെതിരെ ഇത്തരം ആരോപണം ഉന്നയിച്ചതെന്നും വക്കീല്‍ പറഞ്ഞു
Post Your Comments