കൊച്ചി : എല്ലാവർഷവും ആറ്റുകാല്‍ പൊങ്കാലയിട്ട് സായൂജ്യം നേടുന്ന സിനിമാ താരങ്ങളുള്ള സമൂഹത്തിൽ സ്ത്രീ വിമോചനം സാധ്യമല്ലെന്ന് സാഹിത്യ അക്കാദമി പ്രസിഡന്റ് വൈശാഖന്‍.അവരുടെ അന്ധവിശ്വാസത്തില്‍ നിന്ന് രക്ഷ നേടാന്‍ മാറാരോഗങ്ങള്‍ പിടിപെടട്ടെ എന്നാശംസിക്കുന്നതായും വൈശാഖന്‍ പറഞ്ഞു. ശാസ്ത്ര അവബോധത്തില്‍ നിന്ന് അനാചാരങ്ങളെ മാറ്റി നിര്‍ത്താന്‍ കേരളത്തിലെ ജനങ്ങള്‍ക്ക് കഴിയണമെന്നും വൈശാഖന്‍ കൂട്ടിച്ചേര്‍ത്തു.
Read also:ബംഗളൂരുവില്‍ വാഹനാപകടത്തില്‍ രണ്ട് മലയാളികളടക്കം മൂന്ന് വിദ്യാര്‍ത്ഥിനികള്‍ക്ക് ദാരുണാന്ത്യം
ആസ്‌ട്രോഫിസിക്‌സ് പഠിച്ചവര്‍ ജ്യോതിഷികളാകുന്ന കാലമാണ് ഇത്. പുസ്തകോത്സവ വേദയിൽ സംസാരിക്കുകയായിരുന്നു അദ്ദേഹം. കേരളത്തില്‍ ആത്മവിശ്വാസമുള്ള ജനത കുറഞ്ഞുവരികയാണ്. ദൈവത്തിന്റെ മാത്രമല്ല ചെകുത്താന്റേത് കൂടിയാണ് കേരളം. ജനസംഖ്യ വര്‍ധിക്കുന്നത് ഈ പ്രശ്‌നത്തിന് കാരണമാണെന്നും അദ്ദേഹം പറഞ്ഞു. കേരളത്തില്‍ ജാതി നിലനില്‍ക്കുന്നുവെന്ന് വൈശാഖന്‍ വിമര്‍ശിച്ചു. കേരളം ജാതിവിവേചനങ്ങള്‍ കൂടുന്ന നാടാണ്. വിപണിയുടെ കെണിയില്‍പ്പെട്ട് സൗന്ദര്യ സങ്കല്‍പ്പങ്ങള്‍ക്ക് പണം ചെലവഴിക്കുന്ന പ്രവണത തെറ്റാണെന്നും വൈശാഖന്‍ പറഞ്ഞു.
Post Your Comments