കോഴിക്കോട്: തൊണ്ണൂറുവയസ്സുകാരിയായ അമ്മായിയമ്മയെ അന്‍പതുകാരനായ മരുമകന്‍ പീഡിപ്പിച്ചു. വയോധികയെ ലൈംഗികാതിക്രമത്തില്‍ പരിക്കേറ്റ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇയാളെ കോഴിക്കോട് റൂറൽ പോലീസ് അറസ്റ്റ് ചെയ്തു. വിവാഹ ശേഷം ഭാര്യവീട്ടിൽ താമസിച്ചിരുന്ന ഇയാൾ ഭാര്യ അയൽവീട്ടിൽ പോയ സമയത്തായിരുന്നു വൃദ്ധയോടു ലൈംഗീക അതിക്രമം കാട്ടിയത്.
സംഭവ സമയത്ത് ഇയാൾ മദ്യപിച്ചിരുന്നതായി പറയപ്പെടുന്നു. ശനിയാഴ്ച പ്രതിയെ കസ്റ്റഡിയിലെടുത്ത പോലീസ് ഞായറാഴ്ച അറസ്റ്റ് രേഖപ്പെടുത്തി. വൃദ്ധയുടെ കരച്ചിൽ കേട്ടെത്തിയ നാട്ടുകാരാണ് ഇവരെ ആശുപത്രിയിലാക്കിയത്. ഇവർ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. മരുമകനെ 14 ദിവസത്തേയ്ക്ക് ജുഡീഷ്യല്‍ കസ്റ്റഡിയില്‍ വിട്ടു.
Post Your Comments