കൊല്ലം: വാഹനാപകടം രക്ഷാപ്രവർത്തനത്തിനിടെ ലോറിയിടിച്ച് പോലീസുകാരന് ദാരുണാന്ത്യം. അപകടത്തില്‍പെട്ട കാര്‍ റോഡിന്റെ വശത്തേക്കു തള്ളി മാറ്റാന്‍ ശ്രമിക്കുന്നതിനിടെ കൊല്ലം എആര്‍ ക്യാംപിലെ സിവില്‍ പോലീസ് ഓഫീസറും കൊട്ടാരക്കര വയയ്ക്കല്‍ പുതിയിടം തേവന്നൂര്‍ കാര്‍ത്തികയില്‍ വിപിന്‍ കുമാറാണ് ലോറിയിടിച്ച് (35)മരിച്ചത്. ഒപ്പമുണ്ടായിരുന്ന പുത്തൂര്‍ സ്റ്റേഷനിലെ ഗ്രേഡ് എസ്‌ഐ വേണുഗോപാല്‍, എഴുകോണ്‍ സ്റ്റേഷനിലെ എഎസ്‌ഐ അശോക് കുമാര്‍ എന്നിവര്‍ക്ക് പരിക്കേറ്റു. ഇവരെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
ALSO READ ;ടോൾ ബൂത്തിൽ നിർത്തിയിട്ട കാറില്‍ ഇടിക്കുന്ന ട്രക്ക് ; വീഡിയോ
ഞായറാഴ്ച പുലര്‍ച്ചെ അഞ്ചരമണിയോടെ എംസി റോഡില്‍ കുളക്കട ലക്ഷംവീട് ജംക്ഷനു സമീപമായിരുന്നു അപകടം. പോസ്റ്റിലിടിച്ച കാറില്‍ ഉണ്ടായിരുന്നവരെ ആശുപത്രിയിലേക്കു മാറ്റിയശേഷം റോഡിന്റെ വശത്തേക്കു തള്ളി മാറ്റാന്‍ ശ്രമിക്കുന്നതിനിടെ തമിഴ്നാട് രജിസ്ട്രേഷനുള്ള ലോറി ഇവരെ ഇടിക്കുകയായിരുന്നു. അപകടമുണ്ടാക്കിയ ലോറി പിന്തുടര്‍ന്ന്‍ പിടികൂടി.
Post Your Comments