തിങ്കളാഴ്ച്ച ഹർത്താൽ ആഹ്വാനം

ചാ​രും​മൂ​ട്(​ആ​ല​പ്പു​ഴ): റ​ബ​ര്‍ വ്യാ​പാ​രി ജീ​വ​നൊ​ടു​ക്കിയതിനെ തുടർന്ന് തിങ്കളാഴ്ച മാവേലിക്കരയിൽ ഹർത്താൽ. വ​ന്‍ തു​ക നി​കു​തി അ​ട​യ്ക്കാ​ന്‍ ആ​വ​ശ്യ​പ്പെ​ട്ടു​ള്ള വാ​ണി​ജ്യ നി​കു​തി വ​കു​പ്പി​ന്‍റെ നോ​ട്ടീ​സ് ല​ഭി​ച്ചതിനെ തുടർന്ന് നൂ​റ​നാ​ട് പാ​ല​മേ​ല്‍ ഉ​ള​വു​ക്കാ​ട് പൊ​യ്ക​യി​ല്‍ റ​ബ​ര്‍ വ്യാ​പാ​രി​യാ​യി​രു​ന്ന ബി​ജു​രാ​ജ് (38) ആണ് ആത്മഹത്യ ചെയ്തത്. റബറിന്റെ വില തകർച്ചയെ തുടർന്ന് ഇദ്ദേഹം റബർ വ്യാപാരം ഉപേക്ഷിച്ചിരുന്നു. എ​ന്നാ​ല്‍ വ്യാ​പാ​രം ന​ട​ത്തി​യ 2013-14 കാ​ല​യ​ള​വി​ല്‍ 68,90,695 രൂ​പ​യു​ടെ ക​ച്ച​വ​ടം ന​ട​ന്നെ​ന്നും ഇ​തി​നു​ള്ള നി​കു​തി ഉ​ട​ന്‍ അ​ട​യ്ക്ക​ണ​മെ​ന്നും ആവശ്യപ്പെട്ട് ബി​ജു​രാ​ജി​ന് ക​ഴി​ഞ്ഞ ദി​വ​സം വാ​ണി​ജ്യ നി​കു​തി വ​കു​പ്പി​ല്‍​നി​ന്നു നോ​ട്ടീ​സ് ല​ഭി​ച്ചു.

ഇതിനു പിന്നാലെയാണ് ഇദ്ദേഹത്തെ കിടപ്പ് മുറിയിൽ തൂങ്ങിമരിച്ച നിലയിൽ കണ്ടെത്തിയത്. സെയിൽസ് ടാക്സ് ഉദ്യോഗസ്ഥരുടെ പീഡനത്തെ തുടർന്നാണ് ബി​ജു​രാ​ജ് ജീ​വ​നൊ​ടു​ക്കി​യ​തെ​ന്നും കു​റ്റക്കാർക്കെതിരെ ന​ട​പ​ടി വേ​ണ​മെ​ന്നും ആവശ്യപ്പെട്ട് വ്യാപാരി വ്യവസായി ഏകോപന സമിതി തിങ്കളാഴ്ച മാവേലിക്കരയിൽ ഹർത്താൽ ആഹ്വാനം ചെയ്തിരിക്കുകയാണ്. രാവിലെ ആറുമണി മുതൽ വൈകുന്നേരം ആറുമണി വരെ കടകൾ അടച്ചു ഹർത്താൽ ആചരിക്കാനാണ് തീരുമാനം.