പാലക്കാട്: മോഷ്ടാവെന്നു സംശയം നാട്ടുകാർ പിടികൂടി പോലീസിൽ ഏൽപ്പിച്ച യുവാവ് അട്ടപ്പാടി കടുകുമണ്ണ ഉൗരിലെ മധു((27) മരിച്ചു. പോലീസ് സ്റ്റേഷനിലേക്കു കൊണ്ടുവരുന്ന വഴി ജീപ്പില്‍ വച്ച്‌ മധു ഛര്‍ദ്ദിക്കുകയും കുഴഞ്ഞു വീഴുകയുമായിരുന്നു. ഉടനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞ‍ില്ല. പിടികൂടിയ നാട്ടുകാർ മർദിച്ചതാണ് മരണകാരണമെന്നാണ് ആരോപണം.
മധുവിന്റെ മൃതദേഹം ഇപ്പോള്‍ അഗളിയിലെ സര്‍ക്കാര്‍ ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോര്‍ട്ടം നടത്തിയ ശേഷം തുടര്‍നടപടികള്‍ സ്വീകരിക്കുമെന്നും മര്‍ദിച്ചിരുന്നുവെന്ന് തെളിഞ്ഞാല്‍ നരഹത്യക്ക് കേസെടുക്കുമെന്നും പോലീസ് അറിയിച്ചു.
ഏറെക്കാലമായി ഊരിന് പുറത്തു താമസിച്ചിരുന്ന മാനസികസ്വാസ്ഥ്യമുള്ള മധുവിനെ പലചരക്കുകടയില്‍ നിന്ന് സാധനങ്ങള്‍ മോഷ്ടിക്കുന്നു എന്ന് ആരോപിച്ചായിരുന്നു ജനക്കൂട്ടം പിടികൂടിയത്.
Read also ;പെണ്‍വാണിഭ സംഘം പിടിയില്‍
Post Your Comments