കോഴിക്കോട്: വെറും അരമിനിറ്റ് വൈകിയ ബസിന്റെ ചില്ല് പിന്നില്‍ വന്ന ബസിന്റെ ഡ്രൈവര്‍ അടിച്ചു തകര്‍ത്തു. അര മിനിറ്റ് വൈകിയെന്ന് ആരോപിച്ച് പിന്നില്‍ വന്ന ബസിന്റെ ഡ്രൈവര്‍ ജാക്കി ലിവര്‍ കൊണ്ടാണ് ചില്ല് അടിച്ചുതകര്‍ത്തത്. ആക്രമണത്തില്‍ ചില്ലു തെറിച്ചു വീണ് ബസിലുണ്ടായിരുന്ന എട്ടു വയസുകാരന്റെ ചെവി മുറിഞ്ഞു. അടി തടുക്കാന്‍ ശ്രമിച്ച കുട്ടിയുടെ അമ്മയ്ക്കും പരുക്കേറ്റു. സംഭവത്തില്‍ പിന്നില്‍ വന്ന മീനാക്ഷി എന്ന ബസിലെ ഡ്രൈവര്‍ പൊറ്റമ്മല്‍ മഞ്ഞളി വീട്ടില്‍ ജോഷി ജോര്‍ജ് (32), കണ്ടക്ടര്‍ മേരിക്കുന്ന് പാറോപ്പടി പീടികപ്പുറായില്‍ വീട്ടില്‍ വിനോദ് (48), ചെക്കര്‍ മെഡിക്കല്‍ കോളജ് നന്ദാനത്ത് വീട്ടില്‍ അന്‍വര്‍ (22) എന്നിവരെ കസബ പൊലീസ് അറസ്റ്റ് ചെയ്തു.
Also Read: ഫെബ്രുവരി 16 മുതല്‍ അനിശ്ചിതകാല ബസ് സമരം
മുന്നില്‍ പോയ ബസ് ബിഎഎം സ്‌കൂളിനു സമീപത്തെ സ്റ്റോപ്പില്‍ എത്തിയപ്പോഴാണ് സംഭവം. ബസ് അര മിനിറ്റു വൈകി എന്നാരോപിച്ച് പിന്നില്‍ വന്ന ബസ് കുറുകെ നിര്‍ത്തുകയായിരുന്നു. സിനിമാ സ്‌റ്റൈില്‍ ജാക്കി ലിവറുമായി ഇറങ്ങിവന്ന ഡ്രൈവര്‍ ചില്ല് അടിച്ചു തകര്‍ത്തു. ചില്ല് തെറിച്ചു വീണ് തിരുവണ്ണൂര്‍ നസീദ് വീട്ടില്‍ മുഹമ്മദാലിയുെട മകന്‍ എട്ടുവയസുകാരനായ അമീനാണ് പരുക്കേറ്റത്. അമീന്റെ ചെവി ചില്ല് തെറിച്ചുവീണ് മുറിയുകയായിരുന്നു. ഡ്രൈവര്‍ വീണ്ടും അടിക്കാന്‍ ഓങ്ങിയപ്പോള്‍ തടുത്ത കുട്ടിയുടെ മാതാവ് മുപ്പതുകാരിയായ നസീദയ്ക്കും പരുക്കുണ്ട്. ബസ് ജീവനക്കാര്‍ക്കെതിരെ വധശ്രമത്തിനു കേസെടുത്തതായിയ പൊലീസ് അറിയിച്ചു.
Post Your Comments