മുംബൈ: അമിതാഭ് ബച്ചനെ മുംബൈ ലീലാവതി ആശുപത്രിയിൽ പ്രവേശിപ്പിച്ചു. കടുത്ത ശരീരാസ്വാസ്ഥ്യത്തെ തുടർന്നാണ് ഇന്നലെ വൈകുന്നേരം അദ്ദേഹത്തെ ആശുപത്രിയിൽ പ്രവേശിപ്പിച്ചത്. ആരോഗ്യസ്ഥിതിയെകുറിച്ച്‌ ആശങ്കപ്പെടേണ്ട സാഹചര്യമില്ലെന്ന് ഡോക്ടര്‍മാര്‍ അറിയിച്ചു. രാവിലെ മുംബൈയില്‍നടന്ന, പുതിയ ചിത്രം തഗ്സ് ഓഫ് ഹിന്ദുസ്ഥാന്റെ ടീസര്‍ റിലീസ് ചടങ്ങില്‍ അദ്ദേഹം പങ്കെടുത്തിരുന്നു.
‘തഗ്സ് ഓഫ് ഹിന്ദുസ്ഥാന്റെ രാത്രി ഷൂട്ടിങുകളില്‍ നിന്ന് തിരിച്ചെത്തി. ഇനി കട്ടിലും ഉറക്കവും മാത്രം’ എന്ന് ട്വീറ്റ് ചെയ്യുകയും ചെയ്തിരുന്നു. ഇതിനു ശേഷമായിരുന്നു ആശുപത്രിയിൽ പ്രവേശിപ്പിച്ചത്. ഉദരസംബന്ധമായ പ്രശ്നങ്ങളെ തുടര്‍ന്നാണ് അഡ്മിറ്റ് ചെയ്തിരിക്കുന്നത്. ഇതിനു മുന്‍പ് ബച്ചന്‍ ശസ്ത്രക്രിയകള്‍ക്കും വിധേയനായിരുന്നു. ഇന്ന് അമിതാഭ് ബച്ചനെ ഡിസ്ചാര്‍ജ് ചെയ്തതായാണ് പുതിയ വാര്‍ത്ത.
Post Your Comments