കൊല്ലം: അഞ്ചലില്‍ ഒരു വീട്ടിലെ നാലുപേര്‍ക്കു വെട്ടേറ്റു. വഴി തര്‍ക്കത്തെ തുടര്‍ന്നാണ് വെട്ടേറ്റത്. വെട്ടേറ്റത് ഏറം വിഷ്ണു സദനത്തില്‍ രവീന്ദ്രന്‍, ദിവാകരന്‍, ഇന്ദിര, വിഷ്ണു, എന്നിവര്‍ക്കാണ്. ഏറെ നാളായി അയല്‍വീട്ടുകാരുമായി വഴിത്തര്‍ക്കം നിലനില്‍ക്കുന്നുണ്ടായിരുന്നു.
അഞ്ചല്‍ പോലീസ് ഏതാനം നാള്‍മുമ്പ് പ്രശ്‌നം ഉണ്ടായപ്പോള്‍ ഇടപെട്ടു പരിഹരിച്ചിരുന്നു. എന്നാല്‍ വീടിനു സമീപത്തെ റോഡ് കോണ്‍ഗ്രീറ്റ് ചെയ്യുന്നതുമായി ബന്ധപ്പെട്ടു കഴിഞ്ഞ ദിവസം വീണ്ടും തര്‍ക്കം ഉണ്ടാകുകയും സംഘര്‍ഷത്തില്‍ അവസാനിക്കുകയുമായിരുന്നു. അയല്‍വാസിയായ മുരളിയുടെ മകന്‍ അനില്‍കുമാറാണു വെട്ടിയത് എന്ന് ഇവര്‍ പറയുന്നു.
read also: ക്ഷേത്രത്തില്‍വച്ച് സ്ത്രീയ്ക്ക് വെട്ടേറ്റു : നില ഗുരുതരം
തിരുവനന്തപുരം മെഡിക്കല്‍ കോളേജില്‍ ചികിത്സയിലാണ് സംഭവത്തില്‍ തലയ്ക്കു ഗുരുതരമായി പരിക്കേറ്റ വിഷ്ണു. അഞ്ചലിലെ സ്വകാര്യ ആശുപത്രിയില്‍ മറ്റു മൂന്നു പേരെ പ്രവേശിപ്പിച്ചു. സംഭവത്തില്‍ അനില്‍ കുമാറിനെ പോലീസ് അറസ്റ്റ് ചെയ്തു.
Post Your Comments