ഇതര മതസ്ഥയായ പെൺകുട്ടിയോട് പ്രണയം: യുവാവിനെ വെട്ടിക്കൊന്നു

ന്യൂ​ഡ​ല്‍​ഹി: മുസ്ളീം പെ​ണ്‍​കു​ട്ടി​യെ പ്ര​ണ​യി​ച്ച ഫോ​ട്ടോ​ഗ്രാ​ഫ​റെ പെ​ണ്‍​കു​ട്ടി​യു​ടെ ബ​ന്ധു​ക്ക​ള്‍ വെ​ട്ടി​ക്കൊ​ന്നു. ഡ​ല്‍​ഹി​യി​ല്‍ വ്യാ​ഴാ​ഴ്ച രാ​ത്രി​യി​ലാ​യി​രു​ന്നു സം​ഭ​വം. കേ​സി​ല്‍ പെ​ണ്‍​കു​ട്ടി​യു​ടെ ​ഉറ്റബന്ധുക്കള്‍ അ​റ​സ്റ്റി​ലാ​യി. ഇത് കൂടാതെ പെൺകുട്ടിയുടെ പ്രായപൂർത്തിയാകാത്ത സഹോദരനെ പോലീസ് തെരയുന്നുണ്ട്. ഫോട്ടോഗ്രാഫർ ആയ അങ്കിത് (23 )ആണ് കൊല്ലപ്പെട്ടത്.

ഇയാളും 20 കാരിയായ പെൺകുട്ടിയുമായി മൂന്നു വർഷമായി പ്രണയത്തിലായിരുന്നു. ഇ​വ​രു​ടെ പ്ര​ണ​യത്തിൽ പെ​ണ്‍​കു​ട്ടി​യു​ടെ വീ​ട്ടു​കാ​ര്‍ക്ക് എതിർപ്പുണ്ടായിരുന്നു. പെ​ണ്‍​കു​ട്ടി​യു​മാ​യി അ​ടു​ത്ത​ടു​ത്ത വീ​ടു​ക​ളി​ല്‍ താ​മ​സി​ക്കു​മ്പോ​ഴാ​ണ് അ​ങ്കി​ത് പ​രി​ച​യ​പ്പെ​ടു​ന്ന​ത്. ഇ​രു​വ​രു​ടേ​യും പ്ര​ണ​യം ക​ണ്ടെ​ത്തി​യ പെ​ണ്‍​കു​ട്ടി​യു​ടെ വീ​ട്ടു​കാ​ര്‍ താ​മ​സം മാ​റി.

കഴിഞ്ഞ രാത്രി പെ​ണ്‍​കു​ട്ടി​യു​ടെ അ​ച്ഛ​നും അ​മ്മ​യും അ​മ്മാ​വ​നും സ​ഹോ​ദര​നും ചേ​ര്‍​ന്നാ​ണ് അ​ങ്കി​തി​നെ ആ​ക്ര​മി​ച്ച​ത്. വെ​ട്ടേ​റ്റ അ​ങ്കി​ത് റോ​ഡി​ല്‍ വീ​ണു. ബ​ഹ​ളം​കേ​ട്ട് വീ​ടി​നു പു​റ​ത്തേ​ക്കു​വ​ന്ന അ​ങ്കി​തി​ന്‍റെ അ​മ്മ​യു​ടെ മു​ന്നി​ലാ​യി​രു​ന്നു ആ​ക്ര​മ​ണം.