മലയാള സാഹിത്യകാരിയുടെ ഓർമ്മ പുതുക്കി ഗൂഗിൾ ഡൂഡിൽ

മലയാളത്തിലെ പ്രശസ്ത സാഹിത്യകാരി കമല ദാസിന്റെ ഓർമ്മ പുതുക്കി ഗൂഗിൾ ഡൂഡിൽ.ഒരു കാലത്ത് മലയാളി വായനക്കാർക്കിടയിൽ സ്വന്തമായ ഇടം കണ്ടെത്തിയ എഴുത്തുകാരിയായിരുന്നു കമലാദാസ് എന്ന മാധവിക്കുട്ടി.ഇന്നും അവരുടെ ഓർമ്മകൾ പലർക്കുമുള്ളിൽ തങ്ങി നിൽക്കുന്നു എന്നതിന് തെളിവാണ് ഗൂഗിളിന്റെ ഈ സ്മരണ.

ചരിത്രപ്രാധാന്യമുള്ള വ്യക്തികളുടെയോ, ആഘോഷങ്ങളുടെയോ സ്മരണാർത്ഥം ഗൂഗിളിന്റെ പ്രധാനതാളിലെ ലോഗോയിൽ വരുത്തുന്ന താത്കാലിക പരിഷ്കരണങ്ങളാണ് ഗൂഗിൾ ഡൂഡിൽ.ഗൂഗിളിന്റെ സ്ഥാപകരായ സെർഗി ബ്രിൻ, ലാറി പേജ് എന്നിവരാണ് ആദ്യ ഡൂഡിലിന്റെ നിർമ്മാതാക്കൾ.