ശ്രീജീവിന്റെ മരണം : ശ്രീജിത്ത് സമരം അവസാനിപ്പിച്ചു

തിരുവനന്തപുരം: സഹോദരൻ ശ്രീജീവിന്റെ മരണത്തിൽ സി.ബി.ഐ അന്വേഷണം ആവശ്യപ്പെട്ട് സെക്രട്ടേറിയറ്റിന് മുന്നിൽ നടത്തി വന്ന സമരം ശ്രീജിത്ത് അവസാനിപ്പിച്ചു. അന്വേഷണം സിബിഐ ആരംഭിച്ചതോടെയാണ് ശ്രീജിത്ത്‌ സമരം അവസാനിപ്പിച്ചത്. ശ്രീജിത്തിന്റെയും അമ്മയുടെയും മൊഴി സിബിഐ രേഖപ്പെടുത്തിയിരുന്നു. അസ്വാഭാവിക മരണത്തിനാണ് കേസെടുത്തിരിക്കുന്നത്. ആരെയും പ്രതിചേര്‍ത്തിട്ടില്ല.