കോയമ്പത്തൂര്‍: വിവാഹ തട്ടിപ്പുവീരനെ കോയമ്പത്തൂര്‍ പോലീസ് പിടികൂടചി. 57 കാരനായ ബി പുരുഷോത്തമനാണ് പോലീസ് പിടിയിലായത്. ഇയാള്‍ എട്ട് വിവാഹങ്ങള്‍ കഴിച്ചിട്ടുണ്ടെന്നും ഇവരില്‍ നിന്നും 4.5 കോടി രൂപ തട്ടിയെടുത്തിട്ടുണ്ടെന്നും പോലീസ് പറഞ്ഞു.
വളരെ ധനികരായ എട്ട് വിധവകളെയാണ് ഇയാള്‍ വിവാഹം കഴിച്ചത്. രണ്ട് ആഴ്ച മുമ്പാണ് സ്ത്രീകളെ വഞ്ചിച്ചെന്ന കുറ്റത്തിന് പുരുഷോത്തമനെതിരെ കേസ് റജിസ്റ്റര്‍ ചെയ്തത്. ഇയാള്‍ ഹൈക്കോടതിയില്‍ മുന്‍കൂര്‍ ജാമ്യത്തിന് അപേക്ഷ നല്‍കിയിരുന്നു.
പുരുഷോത്തമനെ സഹായിക്കാനായി മാട്രിമോണിയല്‍ സെന്റര്‍ നടത്തിയിരുന്ന എന്‍ മോഹന്‍(65) ഭാര്യ വനജ കുമാരി(53) എന്നിവരെയും പോലീസ് അറസ്റ്റ് ചെയ്തു.
Post Your Comments