ബസ് നദിയിലേക്ക് മറിഞ്ഞ് 12 മരണം 3 പേർക്ക് പരിക്ക്

മുംബൈ: ബസ് നദിയിലേക്ക് മറിഞ്ഞ് 12 മരണം 3 പേർക്ക് പരിക്ക്. മഹാരാഷ്ട്രയിലെ കോൽഹാപുരിൽ പാഞ്ച് ഗംഗ നദിയിലേക്കാണ് 17 പേർ സഞ്ചരിച്ചിരുന്ന ബസ് മറിഞ്ഞത്.

മുംബൈയിൽ നിന്നും 300 കിലോമീറ്റർ അകലെയുള്ള കോൽഹാപുരിലെ ഗണപതിപുലെയിൽനിന്നും പുനെയിലേക്കുള്ള യാത്രയ്ക്കിടെ ശിവജി ബ്രിഡ്ജിൽവെച്ചാണ് അപകടമുണ്ടായത്. സംഭവത്തെത്തുടർന്ന് 
പോലീസ്, അഗ്നിശമന സേനാംഗങ്ങൾ തുടങ്ങിയവർ രക്ഷാ പ്രവർത്തനം
നടത്തുകയുണ്ടായി.അപകടത്തെക്കുറിച്ചുള്ള കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല