മങ്കട : മലപ്പുറം ജില്ലയിലെ മങ്കടയില്‍ നിയന്ത്രണം വിട്ട ട്രെയിലര്‍ ലോറി കാറിനു മുകളില്‍ മറിഞ്ഞു. അപകടത്തില്‍ കാര്‍ തകര്‍ന്നെങ്കിലും കാര്‍ യാത്രികരായ അധ്യാപക ദമ്പതികള്‍ അദ്ഭുതകരമായി രക്ഷപ്പെട്ടു. ഇന്നു രാവിലെ ഏഴു മണിയോടെ മങ്കടയ്ക്കു സമീപം വേരുംപുലാക്കല്‍ അങ്ങാടിയിലായിരുന്നു അപകടം. പെരിന്തല്‍മണ്ണ ഭാഗത്തു നിന്നും വരികയായിരുന്ന ലോറിയാണ് മറിഞ്ഞത്.
വളവു തിരിക്കാനുള്ള ശ്രമത്തിനിടെ ലോറി നിയന്ത്രണം വിട്ട് കാറിനു മുകളിലേക്ക് മറിയുകയായിരുന്നു. എടവണ്ണ സ്വദേശിയായ അധ്യാപകനാണ് കാര്‍ ഓടിച്ചിരുന്നത്. ലോറിയുടെ എഞ്ചിന്‍ ഓഫാകാതെ സംഭവസ്ഥത്ത് മുഴുവന്‍ പുക നിറഞ്ഞതോടെ പെരിന്തല്‍മണ്ണയില്‍ നിന്നും ഫയര്‍ഫോഴ്സ് സ്ഥലത്തെത്തി.
Post Your Comments