കൊല്ലം: കൊല്ലത്ത് പോത്തിന്റെ പിറന്നാള്‍ ആഘോഷിച്ച്‌ എംഎല്‍എ. ഇരവിപുരം എംഎല്‍എ എം നൗഷാദാണ് പോത്തിന്റെ പിറന്നാള്‍ കേക്ക് മുറിച്ച്‌ ആഘോഷിച്ചത്. കല്യാണത്തിനും മരണത്തിനും മറ്റു ചടങ്ങുകൾക്കുമെല്ലാം എത്തുന്ന ജനപ്രിയനായ എം എൽ എ ആണ് നൗഷാദ്. എന്നാൽ ഇത്തവണ ഒരു പോത്തിന്റെ പിറന്നാൾ ആഘോഷിച്ചു ട്രോളന്മാർക്ക് അദ്ദേഹം ചാകരയൊരുക്കി.പള്ളിമുക്ക് സ്വദേശിയായ അന്‍വര്‍ എന്നയാളിന്റെ ഉടമസ്ഥതയിലുള്ള വേലു എന്ന പോത്തിന്റെ മൂന്നാം പിറന്നാളിനാണ് എംഎല്‍എ കേക്ക് മുറിച്ചത്.
ട്രോളന്‍മാര്‍ എംഎല്‍എയെയും പോത്തിനെയും കണക്കിന് ട്രോളുന്നുണ്ടെങ്കിലും എംഎല്‍എ പോലെ തന്നെ പോത്തും അത്ര നിസാരക്കാരനല്ല.മുട്ടയും പാലുംതണ്ണിമത്തനുമൊക്കെയാണ് വേലുവിന്റെ ആഹാരം. വേലുവിന്റെ ആഹാരത്തിനായി ഉടമ അന്‍വര്‍ ദിനം പ്രതി രണ്ടായിരം രൂപയയാണ് ചെലവാക്കുന്നത്.
Post Your Comments