ന്യൂഡല്‍ഹി: പദ്മാവത് സിനിമ റിലീസിങ്ങിനെതിരെ നടത്തിയ പ്രതിഷേധത്തിനിടെ ഗുഡ്ഗാവില്‍ കൊച്ചു കുട്ടികള്‍ സഞ്ചരിച്ച സ്‌കൂള്‍ ബസ്സിനെ ആക്രമിച്ച സംഭവത്തില്‍ പതിനെട്ടു പേരെ പൊലിസ് അറസ്റ്റു ചെയ്തു.
ഗുഡ്ഗാവില്‍ ജിഡി ഗോയെങ്ക വേള്‍ഡ് സ്‌കൂള്‍ ബസ്സിനു നേരെയായിരുന്നു ആക്രമണം. രണ്ട് മുതല്‍ പന്ത്രണ്ടാം ക്ലാസ്സ് വരെയുള്ള കുട്ടികള്‍ യാത്രചെയ്തിരുന്ന ബസ്സിന് നേരെ കര്‍ണിസേന ആക്രമണം അഴിച്ചുവിടുകയായിരുന്നു. ആള്‍ക്കൂട്ടം ബസ്സിനു നേരെ കല്ലെറിയുകയും ചില്ലുകള്‍ അടിച്ചു പൊട്ടിക്കുകയും ചെയ്തു. കൂടാതെ സ്‌കൂള്‍ ബസിനു തൊട്ടു മുന്നിലുണ്ടായിരുന്ന സര്‍ക്കാര്‍ ബസിനു തീയിടുകയും ചെയ്തിരുന്നു.
Post Your Comments