കോപ്പ ഡെല്‍ റേ കോര്‍ട്ടര്‍ ഫൈനലിന്റെ ആദ്യപാദ മത്സരത്തില്‍ റയല്‍ മാഡ്രിഡിന് ജയം. എതിരില്ലാത്ത ഒരു ഗോളിന് റയല്‍ ലെഗാസിനെയാണ് മാഡ്രിഡ് തോല്‍പ്പിച്ചത്. മാര്‍ക്കൊ അസെന്‍സിയോയാണ് റയലിനായി വിജയ ഗോള്‍ നേടിയത്. 89-ാം മിനിറ്റിലായിരുന്നു ഗോള്‍ പിറന്നത്.
റൊണാള്‍ഡോ, ബെയ്ല്‍, ക്രൂസ് തുടങ്ങിയ പ്രധാന താരങ്ങളെ പുറത്തിരുത്തിയാണ് റയല്‍ കളത്തിലിറങ്ങിയത്. ആദ്യ ഇലവനില്‍ അസന്‍സിയോ, ബോയ മയൊരാള്‍, ലൂക്കാസ് വാസ്‌കേസ്, അടക്കമുള്ളവര്‍ ഇടം നേടി.
89-ാം മിനിറ്റില്‍ തിയോ ഹെര്‍ണാണ്ടസിന്റെ പാസ്സ് അസെന്‍സിയോ ഗോളാകുകയായിരുന്നു. ഈ മാസം 24 നാണ് സാന്റിയാഗോ ബെര്‍ണാബുവില്‍ രണ്ടാം പാദ മത്സരം അരങ്ങേറുക.
തുടര്‍ച്ചയായി മൂന്ന് മത്സരങ്ങള്‍ വിജയിക്കാനാകത്തതിനെത്തുടര്‍ന്ന് റയല്‍ പരിശീലകന്‍ സിനദിന്‍ സിദാന് കടുത്ത വിമര്‍ശനത്തിന് വിധേയനായിരുന്നു. കോപ്പ ഡെല്‍ റേയിലെ ഈ വിജയം സിദാന് താല്‍കാലിക ആശ്വാസമാണ്.
Post Your Comments