സ്‌കൂള്‍ വിദ്യാര്‍ഥികള്‍ക്കു കഞ്ചാവ് വിറ്റ ദൈവം ഇപ്പോള്‍ പോലീസ് കസ്റ്റഡിയില്‍

ഇടുക്കി: ദൈവത്തിനറിയില്ലല്ലോ കഞ്ചാവ് വിറ്റാല്‍ പോലീസ് അറസ്റ്റ് ചെയ്യുമെന്ന്. എന്നാല്‍ ഇപ്പോള്‍ ദൈവവും ഇതെല്ലാം അറിഞ്ഞു. സ്‌കൂള്‍ കുട്ടികള്‍ക്ക് കഞ്ചാവ് വിറ്റതിനാണ് കഴിഞ്ഞ ദിവസം ഇടുക്കി പൊലീസ് ദൈവം എന്നു പേരുള്ള ആളെ അറസ്റ്റു ചെയ്തത്. സ്‌കൂള്‍ വിദ്യാര്‍ത്ഥികളെ കേന്ദ്രീകരിച്ച് കഞ്ചാവ് വില്‍ക്കുന്ന പ്രധാന വിതരണക്കാരില്‍ ഒരാളാണ് പിടിയിലായ ദൈവം.

കഞ്ചാവ് വില്‍ക്കുന്നതായി രഹസ്യവിവരം ലഭിച്ചതോടെയാണ് പൊലീസ് നടത്തിയ അന്വേഷണത്തില്‍ ഇയാള്‍ പിടിയിലായത്. ദൈവത്തിന്റെ സ്‌കൂട്ടറിന് ചുറ്റും വിദ്യാര്‍ത്ഥികള്‍ കൂടി നില്‍ക്കുന്നതു കണ്ട് സംശയം തോന്നി പരിശോധിച്ചപ്പോഴാണ് 475 ഗ്രാം തൂക്കം വരുന്ന 70 പാക്കറ്റുകള്‍ പിടിച്ചെടുത്തത്. ദൈവത്തിനെ അറസ്റ്റ് ചെയ്യാന്‍ പറ്റിയതിന്റെ സന്തോഷത്തിലാണ് പൊലീസുകാര്‍. എല്ലാവര്‍ക്കും ഇങ്ങനെ ദൈവത്തെ അറസ്റ്റ് ചെയ്യാന്‍ സാധിക്കില്ലല്ലോ എന്നാണ് വണ്ടന്‍മേട് എസ്ഐ കെ.എ. ജോസ് പറയുന്നത്. എന്തായാലും കഞ്ചാവുമായി ദൈവം പിടിയിലായതോടെ വാര്‍ത്ത ദേശീയ ശ്രദ്ധ നേടിയിരിക്കുകയാണ്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2