കൊച്ചി: കേരള ബ്ലോസ്റ്റേഴ്സ് നായകന്‍ സന്ദേഷ് ജിങ്കനെ ലക്ഷ്യം വച്ച് ഇംഗ്ലീഷ് ക്ലബ്ബ് ബ്ലാക്ക്‌ബേണ്‍ റോവേഴ്‌സ് ഒരുങ്ങുന്നു എന്ന വാര്‍ത്ത പുറത്തെത്തിയിരുന്നു. ഈ ആഴ്ചതന്നെ രണ്ടരകോടിയിലധികം രൂപയ്ക്ക് ജിങ്കനെ ക്ലബ്ബ് സ്വന്തമാക്കുമെന്ന ഒരു മുന്‍ ഏജന്റിന്റെ ട്വീറ്റ് ബ്ലോസ്റ്റേഴ്സ് ആരാധകരെ ആശങ്കയിലാക്കിയിരുന്നു. ഊ വാര്‍ത്തകള്‍ക്ക് തകര്‍പ്പന്‍ മറുപടിയുമായി എത്തിയിരിക്കുകയാണ് മഞ്ഞപ്പട.
കേരള ബ്ലാസ്റ്റേഴ്‌സിന്റെ പ്രതിരോധത്തിന്റെ നെടും തൂണായ ജിങ്കനെ തങ്ങള്‍ എവിടേക്കും വിടില്ലെന്നാണ് ബ്ലാസ്റ്റേഴ്‌സ് ആരാധകര്‍ പറയുന്നത്. വാര്‍ത്ത വ്യാജമാണെന്നും പലരും പറയുന്നു.
ആദ്യ സീസണില്‍ ബ്ലാസ്റ്റേഴ്‌സ് നിരയിലെ മികച്ച പ്രകടനം ജിങ്കനെ എമേജിംഗ് പ്ലെയറായി തെരഞ്ഞെടുക്കുന്നതിലേക്ക് എത്തിച്ചിരുന്നു. ബ്ലാസ്റ്റേഴ്‌സിനായി ഇതിനോടകം 50 മത്സരങ്ങള്‍ കളിച്ച താരം ഐഎസ്എല്ലില്‍ ഏറ്റവും അധികം ജെഴ്‌സി അണിഞ്ഞ ഇന്ത്യന്‍ താരമെന്ന നേട്ടവും സ്വന്തമാക്കിയിരുന്നു.
Post Your Comments