സ്വന്തം പിറന്നാൾ ആഘോഷമാക്കാൻ യുവാവ് സാഹസികമായി ഫോട്ടോ ഷൂട്ട് നടത്തി.ഉയരം കൂടിയ പാറയുടെ മുകളിൽ നിന്ന് ചാടി.ചട്ടം പിഴച്ച യുവാവ് പിന്നീട് മരണത്തിന് കീഴടങ്ങി. ദക്ഷിണ തുര്‍ക്കിയിലാണ് ഞെട്ടിക്കുന്ന സംഭവം നടന്നിരിക്കുന്നത്. മുപ്പത്തിയൊമ്പതുകാരനായ ഹാലിലിനാണ് പിറന്നാള്‍ ദിനത്തില്‍ ഇത്ര വലിയ ദുരന്തം സംഭവിച്ചത്.
ആഘോഷം എല്ലാത്തില്‍ നിന്നും വ്യത്യസ്തമാക്കാനായി പാറപുറത്ത് നിന്ന് ചാടുന്നതിന്റെ ദൃശ്യങ്ങള്‍ പകര്‍ത്താനായി താഴേക്ക് ചാടിയപ്പോള്‍ നിയന്ത്രണം നഷ്ടപ്പെട്ട് നൂറ്റിയമ്പത് അടി താഴ്ചയിലേക്ക് വീഴുകയായിരുന്നു. സമീപത്തുള്ള ഒരു റസ്റ്റോറന്റിന്റെ ഭാഗത്തേക്കാണ് യുവാവ് ചെന്ന് പതിച്ചത്. സംഭവത്തെ തുടര്‍ന്ന് നടത്തിയ തിരച്ചിലില്‍ അദ്ദേഹത്തിന്റെ ശരീരം കണ്ടെടുക്കുകയായിരുന്നു.
Post Your Comments