ഡല്‍ഹിയെ അവരുടെ തട്ടകത്തില്‍ ഒന്നിനെതിരെ മൂന്ന് ഗോളിനായിരുന്നു ഇന്നലെ കേരള ബ്ലാസ്റ്റേഴ്സ് തകര്‍ത്തുവിട്ടത്. ആക്രമണകളി പുറത്തെടുത്ത ഇയാന്‍ ഹ്യൂമിന്റെ ഹാട്രിക്കാണ് കേരളത്തെ വിജയതീരത്ത് എത്തിച്ചത്. ഈ വിജയത്തില്‍ കേരള ബ്ലാസ്റ്റേഴ്‌സിന്റെ മലയാളി താരം സി.കെ വിനീത് സന്തോഷം പങ്കുവച്ചു. സോഷ്യല്‍ മീഡിയയിലൂടെയാണ് വിനീത് ആരാധകരുമായി സന്തോഷം പങ്കുവെച്ചത്.
തകര്‍പ്പന്‍ പ്രകടനമായിരുന്നു ഡല്‍ഹിക്കെതിരെ ഇന്നലെ കാഴ്ച്ച വെച്ചതെന്നും ഹ്യൂമിന്റെ ഹാട്രിക്കിലൂടെ ടീം മൂന്ന് പോയിന്റ് നേടിയതില്‍ സന്തോഷമുണ്ടെന്നും ഹ്യൂമിന്റെ ചിത്രം പങ്കുവെച്ച് വിനീത് ട്വിറ്ററിലൂടെ പറഞ്ഞു. അതേസമയം കോച്ച് ഡേവിസ് ജെയിംസ് നല്‍കുന്ന പിന്തുണയാണ് തങ്ങള്‍ക്ക് വലിയ ഗുണം ചെയ്‌തെന്ന് മത്സരശേഷം താരം പറഞ്ഞിരുന്നു.
ഡല്‍ഹി ഡൈനമോസിനെ അവരുടെ തട്ടകത്തില്‍ ഒന്നിനെതിരെ മൂന്ന് ഗോളുകള്‍ക്ക് തകര്‍ത്താണ് ബ്ലാസ്റ്റേഴ്സ് സീസണിലെ രണ്ടാം ജയം സ്വന്തമാക്കിയത്. ജയത്തോടെ വിജയത്തോടെ ഒമ്പത് കളിയില്‍ രണ്ട് വിജയവും അഞ്ച് സമനിലയുമായി ബ്ലാസ്റ്റേഴ്സ് ആറാം സ്ഥാനത്തെത്തി.
ഇയാന്‍ ഹ്യൂമിന്റെ ഗോളിന് ഡല്‍ഹിയുടെ പ്രീതം കോട്ടാലിന്റെ തിരിച്ചടി നല്‍കിയതോടെ ഐ.എസ്.എല്‍ ആദ്യ പകുതിയില്‍ ഡല്‍ഹി ഡൈനാമോസും കേരള ബ്ലാസ്റ്റേഴ്‌സും ഒപ്പത്തിനൊപ്പം എത്തിയിരുന്നു. അതേസമയം പരിക്ക് പ്രശ്‌നമല്ലെന്നും അടുത്ത കളിയില്‍ കൂടുതല്‍ കരുത്തോടെ താന്‍ തിരിച്ചുവരുമെന്നും ഹ്യൂം വ്യക്തമാക്കി.
Brilliant team performance today and what a way for this man to silence his critics ,What a warrior, what a player, what a man! three goals, three points,Off we go!!??? pic.twitter.com/7Wwcil2rAk
— CK Vineeth (@ckvineeth) January 10, 2018
Post Your Comments