വി​മാ​ന​ത്തി​ന്‍റെ കോ​ക്പി​റ്റി​ൽ അ​ടി​കൂ​ടിയ വനിതാ പൈലറ്റിനെയടക്കം സസ്‌പെൻഡ് ചെയ്‌തു

ന്യൂ​ഡ​ൽ​ഹി: വി​മാ​ന​ത്തി​ന്‍റെ കോ​ക്പി​റ്റി​ൽ അ​ടി​കൂ​ടി​യ പൈ​ല​റ്റു​മാ​രെ ജെ​റ്റ് എ​യ​ർ​വെ​യ്സ് പു​റ​ത്താ​ക്കി. പു​തു​വ​ത്സ​ര​ദി​ന​ത്തി​ൽ ല​ണ്ട​നി​ൽ​നി​ന്നു മും​ബൈ​യി​ലേ​ക്കു പ​റ​ന്ന വി​മാ​ന​ത്തി​ന്‍റെ കോ​ക്പി​റ്റി​ലാണ് പൈലറ്റുമാർ അടികൂടിയത്. 324 യാ​ത്ര​ക്കാ​രു​മാ​യി ജെ​റ്റ് എ​യ​ർ​വെ​യ്സി​ന്‍റെ ബോ​യിം​ഗ് 777 വി​മാ​നം ല​ണ്ട​നി​ൽ​നി​ന്നു മും​ബൈ​യി​ലേ​ക്ക് ഒ​ന്പ​തു മ​ണി​ക്കൂ​ർ യാ​ത്ര​യ്ക്കാ​യി ടേ​ക്ക് ഓ​ഫ് ചെ​യ്ത​തി​നു പി​ന്നാ​ലെ പൈലറ്റുമാർ തമ്മിൽ തർക്കമുണ്ടാകുകയും ക​മാ​ൻ​ഡ​ർ പ​ദ​വി വ​ഹി​ച്ചി​രു​ന്ന വ​നി​താ പൈ​ല​റ്റി​നെ സ​ഹ പൈ​ല​റ്റ് അ​ടി​ക്കുകയുമായിരുന്നു.

Read Also: മൂന്ന് കോടിയിലേറെ യുഎസ് ഡോളര്‍ കടത്താന്‍ ശ്രമിച്ച ജെറ്റ് എയര്‍വെയ്സ് ജീവനക്കാരി അറസ്റ്റിൽ

അ​ടി​കൊ​ണ്ട വ​നി​താ പൈ​ല​റ്റ് ക​ര​ഞ്ഞു​കൊ​ണ്ട് വി​മാ​ന​ത്തി​ന്‍റെ കോ​ക്പി​റ്റി​ൽ​നി​ന്നു പു​റ​ത്തു​പോ​കുകയും പി​ന്നാ​ലെ അ​ടി കൊ​ടു​ത്ത പൈ​ല​റ്റ് ക​മാ​ൻ​ഡ​ർ പൈ​ല​റ്റി​നോ​ട് തി​രി​ച്ചെ​ത്താ​ൻ ഫോ​ണി​ലൂ​ടെ ആ​വ​ശ്യ​പ്പെ​ടുകയും ചെയ്‌തു. വ​നി​താ പൈ​ല​റ്റ് ഇ​തി​നു വി​സ​മ്മ​തി​ച്ച​തി​നെ തു​ട​ർ​ന്ന് സ​ഹ പൈ​ല​റ്റ് കോ​ക്പി​റ്റ് അ​നാ​ഥ​മാ​ക്കി പു​റ​ത്തു​വ​രികയായിരുന്നു. വി​മാ​ന ജീ​വ​ന​ക്കാ​ർ അ​ടി​കൊ​ണ്ട പൈ​ല​റ്റി​നെ അ​നു​ന​യി​പ്പി​ച്ച് കോ​ക്പി​റ്റി​ലേ​ക്കു തി​രി​ച്ച​യ​ച്ചു. പ​ക്ഷേ, കോ​ക്പി​റ്റി​ൽ ഇ​രു​വ​രും ത​മ്മി​ൽ വീ​ണ്ടും ത​ർ​ക്ക​മു​ണ്ടാ​കു​ക​യും വ​നി​താ പൈ​ല​റ്റ് വീ​ണ്ടും കോ​ക്പി​റ്റി​ൽ​നി​ന്ന് ഇ​റ​ങ്ങി​പ്പോ​വു​ക​യും ചെ​യ്തു. തുടർന്ന് ജെ​റ്റ് എ​യ​ർ​വേ​യ്സ് ഇത് ഡി​ജി​സി​എ​യ്ക്കു റി​പ്പോ​ർ​ട്ട് ചെയ്യുകയുമായിരുന്നു.