ജിയോയ്ക്ക് പിന്നാലെ കിടിലൻ ഓഫറുകളുമായി ഐഡിയ

ജിയോ ഓഫര്‍ നിരക്കുകള്‍ കുത്തനെ കുറച്ചതിന് പിന്നാലെ ഐഡിയയും നിരക്കുകൾ കുറച്ചു. 93 രൂപയ്ക്ക് അണ്‍ലിമിറ്റഡ് പ്ലാന്‍ എന്നതാണ് ഐഡിയയുടെ പുതിയ ഓഫര്‍. അണ്‍ലിമിറ്റഡ് എസ്റ്റിഡി/ ലോക്കല്‍ കോളുകള്‍, 1 ജിബി ഡാറ്റ 10 ദിവസം വാലിഡിറ്റി എന്നിവയാണ് ഈ ഓഫറിൽ ലഭ്യമാകുന്നത്. പ്രതി ദിനം 250 മിനിറ്റ് ഫ്രീ കോളും പ്രതി വാരം 1000 മിനിറ്റ് ഫ്രീ കോളും നൽകുന്നുണ്ട്. പരിധി കഴിഞ്ഞാല്‍ ഒരു സെക്കന്‍ഡില്‍ ഒരു പൈസ വീതം ഈടാക്കും.

Read Also: ഓഫര്‍ പെരുമഴയുമായി വീണ്ടും ജിയോ; ഹാപ്പി ന്യൂ ഇയര്‍ ഓഫറുകള്‍ അവതരിപ്പിച്ചു

ജിയോയുടെ 98 രൂപ പ്ലാനിനേയും എയര്‍ടെല്ലിന്റെ 93 രൂപ പ്ലാനിനെയുമാണ് ഐഡിയ ലക്ഷ്യമിടുന്നത്. അണ്‍ലിമിറ്റഡ് വോയിസ് കോള്‍, 2.1 ജിബി 4ജി ഡാറ്റ (പ്രതി ദിനം ഡാറ്റ ക്യാപ്പ് 0.15 ജിബി), 140 ഫ്രീ എസ്എംഎസ്, ജിയോ ആപ്ലിക്കേഷനുകളുടെ അണ്‍ലിമിറ്റഡ് ആക്സസ് എന്നിവയാണ് ജിയോ നൽകുന്നത്. അതേസമയം അണ്‍ലിമിറ്റഡ് കോള്‍, 1ജിബി 3ജി/ 4ജി ഡാറ്റ, 10 ദിവസത്തെ വാലിഡിറ്റിയില്‍ 100 ഫ്രീ എസ്എംഎസ് എന്നിവയാണ് എയർടെൽ അവതരിപ്പിച്ചിരിക്കുന്നത്.