മൈസൂര്‍: സെല്‍ഫി ഭ്രമം കൂടിയതോടെ കുട്ടിയാനയ്ക്ക് ജീവൻ നഷ്ടമായി.കര്‍ണാടകയിലെ ചമരാജനഗറിലുള്ള കുറുമ്പാരഹുണ്ടി ഗ്രാമത്തിലായിരുന്നു സംഭവം. കുട്ടിയാന ഉള്‍പ്പെടെയുള്ള മൂന്ന് ആനകളാണ് വനത്തില്‍ നിന്ന് ഭക്ഷണം തേടിയിറങ്ങിയത്.
ആനകളെ കണ്ടതോടെ നാട്ടുകാര്‍ അവയെ വനത്തിലേക്കു തന്നെ തിരിച്ചയക്കാനുള്ള ശ്രമം തുടങ്ങി. പടക്കം പൊട്ടിച്ചും തീ കൂട്ടിയും ബഹളം വെച്ചുമൊക്കെ അവയെ ഭയപ്പെടുത്തി. ഇതോടെ ആനക്കൂട്ടം പരിഭ്രാന്തരായി ഓടി. ഇതിനിടെ കുട്ടിയാനക്ക് കൂട്ടം തെറ്റിപ്പോയി. ഇതോടെ കൂട്ടം തെറ്റിയ കുട്ടിയാനയുടെ ഫോട്ടോയെടുക്കാനും ഒപ്പം നിന്ന് സെല്‍ഫിയെടുക്കാനുമായി നാട്ടുകാരുടെ അടുത്ത ശ്രമം. ഈ സമയം കുട്ടിയാനയെ കാത്ത് ആനക്കൂട്ടം കുറച്ചകലെ മാറിനിന്നെങ്കിലും നാട്ടുകാര്‍ പിന്നെയും അവയെ ഓടിക്കുകയായിരുന്നു.
അമ്മയെകാണാതെ നിരവധി തവണ കുട്ടിയാന കരഞ്ഞെങ്കിലും നാട്ടുകാർ വിടാതെ ഓടിച്ചു.ഒടുവിൽ കുട്ടിയാന തളർന്നു വീഴുകയായിരുന്നു.വനപാലകരും വെറ്റിനറി ഡോക്ടർമാരും എത്തി ചികിത്സ നൽകിയെങ്കിലും ആനക്കുട്ടി ചരിഞ്ഞു.
Post Your Comments