ഉത്തര കൊറിയന്‍ ഭരണാധികാരിക്ക് ട്രംപിന്റെ മറുപടി

വാഷിംഗ്ടണ്‍: ഉത്തര കൊറിയന്‍ ഭരണാധികാരി കിം ജോങ് ഉന്നിന്റെ വിമർശനത്തിന് എതിരെ മറുപടിയുമായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. തന്റെ മേശപ്പുറത്തും ആണവ ബട്ടണ്‍ ഉണ്ടെന്നും അത് ഉത്തര കൊറിയ പറയുന്നത് പോലെയല്ല, പ്രവര്‍ത്തിക്കുന്നതാണെന്നും ട്രംപ് ട്വീറ്റ് ചെയ്തു. പുതുവര്‍ഷ ദിനത്തില്‍ കിം രാജ്യത്തോട് നടത്തിയ പ്രസംഗത്തിലാണ് തന്റെ മേശപ്പുറത്ത് ഒരു ആണവ ബട്ടണ്‍ ഉണ്ടെന്നും അത് തിരിച്ചറിഞ്ഞാണ് അമേരിക്ക യുദ്ധത്തിന് പേടിക്കുന്നതെന്നു കിം പറഞ്ഞിരുന്നു.

North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!

— Donald J. Trump (@realDonaldTrump) January 3, 2018

‘ഉത്തര കൊറിയന്‍ നേതാവ് കിം ജോങ് ഉന്‍ കഴിഞ്ഞ ദിവസം പറയുന്നത് കേട്ടൂ. തന്റെ മേശപ്പുറത്ത് എല്ലായ്പ്പോഴും ഒരു ആണവ ബട്ടണ്‍ ഉണ്ടെന്ന്. എന്നാല്‍ ഫലശൂന്യവും ദാരിദ്രം നിറഞ്ഞതുമായ ആ ഭരണകൂടത്തോട് ആരെങ്കിലും ഒന്ന് പറഞ്ഞുകൊടുക്കൂ. അദ്ദേഹത്തിന്റെ കൈവശമുള്ളതിലും വലതും കൂടുതല്‍ ശക്തിയേറിയതുമായ ഒരു ബട്ടണ്‍ തനിക്കുമുണ്ട്.. അത് പ്രവര്‍ത്തിക്കുന്നതുമാണെന്നും’ ട്രംപ് ട്വീറ്റില്‍ പറയുന്നു.