മകളുടെ നഗ്ന ദൃശ്യങ്ങള്‍ ഷെയര്‍ ചെയ്യുന്ന പിതാക്കന്മാര്‍ വരെയായിരുന്നു പൂമ്പാറ്റ ഗ്രൂപ്പിൽ ഉണ്ടായിരുന്നത്. ഗ്രൂപ്പിലെ സന്ദേശങ്ങള്‍ വായിച്ച പൊലീസുകാര്‍ക്ക് ലഭിച്ചത് മനസാക്ഷിയെ മരവിപ്പിക്കുന്ന അനുഭവമായിരുന്നു.മൂന്ന് വയസില്‍ താഴെയുള്ള കുട്ടികളെ ഉപദ്രവിക്കുന്ന ദൃശ്യങ്ങള്‍ മാത്രം ചിത്രീകരിച്ചാല്‍ മതി, അതാകുമ്പോള്‍ കുട്ടിക്ക് ശരിയായ ഓര്‍മയുമുണ്ടാകില്ല അവര്‍ ഇതൊന്നും പുറത്ത് പറയുകയും ഇല്ല എന്നൊക്കെയായിരുന്നു ഒരു അംഗത്തിന്റെ സന്ദേശം. ടെലഗ്രാം എന്ന മെസേജിങ് ആപ്പ് വഴി പ്രവര്‍ത്തിക്കുന്ന ഗ്രൂപ്പുകളുടെ തലവനാണ് ഷറഫ് അലി.
ഷറഫ് അലിയെ ചോദ്യംചെയ്തപ്പോഴാണ് കേരളത്തില്‍ സജീവമായ പെഡോഫീലിയ നെറ്റ് വാർക്കുകളുടെ ചുരുളഴിഞ്ഞത്. പ്രായപൂര്‍ത്തിയെത്താത്ത പെണ്‍കുട്ടികളുടെ അശ്ലീല ചിത്രങ്ങള്‍ പ്രചരിപ്പിക്കുന്ന നാല് ഗ്രൂപ്പുകള്‍ ഇയാള്‍ കൈകാര്യംചെയ്തിരുന്നു. ഇതില്‍ നൂറുകണക്കിന് അംഗങ്ങളുമുണ്ട്. പെണ്‍കുട്ടികളും ആണ്‍കുട്ടികളും ഒരുപോലെ രതിവൈകൃതത്തിന് ഇരകളാവുന്നു എന്ന് ഈ ഗ്രൂപ്പുകളിലെ സന്ദേശങ്ങളും വീഡിയോകളും കണ്ട പോലീസ് മനസ്സിലാക്കി.
പിടിക്കപ്പെടില്ല എന്ന ഉറപ്പിലായിരുന്നു ഗ്രൂപ്പിന്റെ പ്രവര്‍ത്തനം. ബലാല്‍സംഗ വീഡിയോകള്‍ വരെ ഗ്രൂപ്പില്‍ പോസ്റ്റ് ചെയ്തിരുന്നതായാണു വിവരം. ടെലഗ്രാം എന്ന മെസേജിങ് ആപ്പ് വഴി പ്രവര്‍ത്തിക്കുന്ന ഗ്രൂപ്പുകളുടെ തലവന്‍ ഷറഫ് അലിയെ വ്യാഴാഴ്ചയാണ് മലപ്പുറത്ത് നിന്നും വണ്ടൂര്‍ പൊലീസ് അറസ്റ്റ് ചെയ്തത്.
Post Your Comments