ന്യൂഡൽഹി: ദയാവധം സംബന്ധിച്ച ബിൽ സർക്കാർ പരിഷ്കരിച്ചു. പൊതുജനങ്ങളിൽനിന്നു ലഭിച്ച നിർദേശങ്ങൾ ഉൾപ്പെടുത്തിയാണ് പരിഷ്കരണം. ആശുപത്രികളിൽ ദയാവധത്തിന് അനുമതി നൽകാൻ സമിതികൾ വേണം. മാത്രമല്ല സമിതി മുൻപാകെ തെറ്റായ വിവരം നൽകിയാൽ കടുത്ത ശിക്ഷ നൽകണമെന്നും മറ്റും വ്യവസ്ഥ ചെയ്യുന്നതാണു പുതുക്കിയ ബിൽ. മാനേജ്മെന്റ് ഓഫ് പേഷ്യന്റ്സ് വിത് ടെർമിനൽ ഇൽനസ് – വിത്ഡ്രോവൽ ഓഫ് മെഡിക്കൽ ലൈഫ് സപ്പോ‍ർട്ട് എന്നാണ് ബില്ലിന് നാമകരണം ചെയ്തത്.
അനുമതി നൽകുക രോഗമുക്തി അസാധ്യമായ രോഗിക്ക് ആയുസ്സു നീട്ടിക്കൊണ്ടുപോകാനുള്ള മരുന്നും ഉപകരണങ്ങളും വേണ്ടെന്നുവയ്ക്കുന്ന നിഷ്ക്രിയ ദയാവധ (പാസീവ് യുത്തനേസിയ) ത്തിനു മാത്രമാണ്. മരുന്നു കുത്തിവച്ചു പെട്ടെന്നു മരിക്കാൻ (ആക്ടീവ് യുത്തനേസിയ) അനുവാദം നൽകില്ല. സ്വാഭാവിക മരണമായി ഇത്തരം നിഷ്ക്രിയ ദയാവധത്തെ കണക്കാക്കും. നിയമപരിരക്ഷ ബന്ധപ്പെട്ട രോഗി, ഡോക്ടർ, പരിചാരകർ എന്നിവർക്കു ലഭിക്കും.
ഏറ്റവും അടുത്ത ബന്ധുക്കളുടെ ഏകകണ്ഠമായ അപേക്ഷ രോഗമുക്തി അസാധ്യമായ രോഗിക്കു സ്വയം തീരുമാനമെടുക്കാൻ പ്രാപ്തിയില്ലെങ്കിൽ വൈദ്യചികിത്സ വേണ്ടെന്നുവയ്ക്കാൻ ആവശ്യമാണ്. ദയാവധ അപേക്ഷകളിൽ അനുമതി നൽകാനുള്ള സമിതികൾ എല്ലാ സൂപ്പർ സ്പെഷൽറ്റി ആശുപത്രികളിലും രൂപീകരിക്കണം. സമിതിക്കു ജീവിതത്തിലേക്കു തിരിച്ചുവരാൻ സാധ്യതയില്ലെന്ന് ഉറപ്പുള്ള രോഗി ആയുസ്സു നീട്ടിക്കൊണ്ടുപോകാൻ താൽപര്യമില്ലെന്നു കാട്ടി എഴുതുന്ന ‘ലിവിങ് വിൽ’ പരിശോധിച്ചു തീരുമാനമെടുക്കാം.
തെറ്റായ വിവരം നൽകിയോ വ്യാജരേഖ നൽകിയോ സമിതിയെ തെറ്റിദ്ധരിപ്പിക്കുന്നവർക്ക് അഞ്ചുമുതൽ പത്തുവർഷംവരെ തടവുശിക്ഷ, 20 ലക്ഷം മുതൽ ഒരുകോടി വരെ പിഴ ഇടയാക്കും. ചികിത്സയും ജീവൻരക്ഷാ സംവിധാനങ്ങളും വേണ്ടെന്നുവയ്ക്കുന്ന രോഗിക്കു സാന്ത്വനം നൽകുന്നതിനായി ബന്ധുക്കളോ ആശുപത്രി ജീവനക്കാരോ തുടർന്നും പരിചരണം നൽകണം.
Post Your Comments