നോര്‍ത്ത് ഈസ്റ്റ് യുണൈറ്റഡിനെതിരായ മത്സരത്തില്‍ വിജയിക്കുന്നതിന് മുമ്പ് കേരള ബ്ലാസ്റ്റേഴ്‌സ് ഏറെ വിമർശനങ്ങൾ കേട്ടിരുന്നു. ചിലരുടെ വിമര്‍ശനങ്ങള്‍ അതിരുകടയ്ക്കുകയും ചെയ്തിരുന്നു. വെള്ളിയാഴ്ച്ചത്തെ മത്സരത്തിന് മുന്നോടിയായി ഞങ്ങള്‍ പുതിയ ഊര്‍ജത്തോടെ തുടങ്ങുന്നുവെന്ന കുറിപ്പോടെ വിനീത് തന്റെ ഒരു ചിത്രം ട്വിറ്ററില്‍ പങ്കുവെച്ചിരുന്നു. ലാസ്റ്റ് കളി വരെ ഇങ്ങിനെ ട്വീറ്റ് ചെയ്യണമെന്നും ഭയങ്കര ആത്മവിശ്വാസം തന്നെയാണെന്നും ഇതിനെ ഒരു ആരാധകൻ പരിഹസിക്കുകയുണ്ടായി.
ഇത് ആത്മവിശ്വാസമല്ലെന്നും നിന്നെപ്പോലെയല്ലാത്ത ലക്ഷക്കണക്കിന് ആരാധകര്‍ കൂടെയുണ്ടെന്നുമുള്ള അഹങ്കാരമാണെന്നും ഇതിന് മറുപടിയായി വിനീത് ട്വീറ്റ് ചെയ്‌തു. ഈ കമന്റ് ആരാധകർ ഏറ്റെടുത്തിരിക്കുകയാണിപ്പോൾ.
Post Your Comments