ഇന്ത്യയുടെ താൽക്കാലിക നായകന്‍ രോഹിത്ത് ശര്‍മയുടെ രണ്ടാം വിവാഹ വാര്‍ഷികമായിരുന്നു ഇന്ന്. ലോകത്തിലെ ഒരു ഭര്‍ത്താക്കന്മാരും ഭാര്യമാർക്ക് നൽകാത്ത വ്യത്യസ്തമായ ഒരു സമ്മാനമാണ് രോഹിത് ഭാര്യയ്ക്ക് നൽകിയത്. തന്റെ മൂന്നാമത്തെ ഡബിള്‍ സെഞ്ച്വറി തികച്ച് രോഹിത് ഇന്ന് ചരിത്രം രചിച്ചു.
ഡബിള്‍ സെഞ്ച്വറി നേടിയതിന്റെ ആഹ്ലാദപ്രകടനം നടത്തുന്നതിനിടയില്‍ രോഹിത്ത് തന്റെ മോതിരവിരലില്‍ ചുംബിച്ചുകൊണ്ടാണ് ഭാര്യ റിതികയോടുള്ള സ്നേഹം പ്രകടിപ്പിച്ചത്. മെഹീലിയിലെ ഗ്യാലറിയിലിരുന്നു ആനന്ദ കണ്ണീര്‍ പൊഴിച്ചായിരുന്നു രോഹിത്തിന്റെ ഭാര്യ റിതിക ഈ വിവാഹ സമ്മാനം ഏറ്റുവാങ്ങിയത്.
മൂന്നാം ഡബിള്‍ സെഞ്ച്വറി നേട്ടത്തോടെ ക്രിക്കറ്റ് ചരിത്രത്തില്‍ സമാനതകളില്ലാത്ത ഇതിഹാസമെന്ന നേട്ടമാണ് ഹിറ്റ്മാന്‍ രോഹിത് ശര്‍മ്മ നേടിയെടുത്തത്. സെവാഗിന് ശേഷം ഇരട്ട സെഞ്ചുറി നേടുന്ന രണ്ടാമത്തെ നായകനാണ് രോഹിത്.
Post Your Comments