പ്രവാസികൾക്കൊരു സന്തോഷവാർത്ത

യുഎഇയിൽ നിന്ന് ഇന്ത്യയിലെ 5 നഗരങ്ങളിലേക്ക് യാത്ര ചെയ്യുന്ന പ്രവാസികൾക്ക് ഡിസംബർ 10 വരെ 50 കിലോ ലഗേജ് സൗജന്യമായി ആയികൊണ്ടുവരാനുള്ള അവസരമൊരുക്കി എയർ ഇന്ത്യ. എക്കോണമി , ബിസിനസ് ക്ലാസ് യാത്രക്കാർക്കാണ് ഈ ആനുകൂല്യം ലഭ്യമാകുക. അബുദാബി, ദുബായ്, ഷാർജ എന്നിവിടങ്ങളിൽ നിന്ന് ചെന്നൈ, കൊച്ചി, മുംബൈ, ഹൈദരാബാദ് എന്നീ സ്ഥലങ്ങളിലേക്ക് പോകുന്നവർക്ക് ഈ സൗകര്യം പ്രയോജനപ്പെടുത്താം.

എന്നാൽ ഷാർജയിൽ നിന്ന് കോഴിക്കോട്, തിരുവനന്തപുരം എന്നിവിടങ്ങളിലേക്ക് യാത്ര ചെയ്യുന്ന ബിസിനസ് ക്ലാസ്സ് യാത്രക്കാർക്ക് മാത്രമേ 50 കിലോ ലഗേജ് കൊണ്ടുപോകാനാകൂ. ഇക്കോണമിയിൽ ദുബായിൽ നിന്ന് ഡൽഹിയിലേക്കും കോഴിക്കോട്ടേക്കും യാത്ര ചെയ്യുന്ന യാത്രക്കാർക്കും ഷാർജയിൽ നിന്ന് തിരുവനന്തപുരം, കോഴിക്കോട് എന്നിവിടങ്ങളിലേക്ക് യാത്ര ചെയ്യുന്നവർക്കും സൗജന്യമായി 40 കിലോ വരെ കൊണ്ടുപോകാവുന്നതാണ്.