പ്രമുഖ ഫോൺ കമ്പനിയുമായി കൈകോർത്ത് പുതിയ ഓഫറുമായി ജിയോ

ഷവോമിയുമായി കൈകോർത്ത് പുതിയ ഓഫറുമായി ജിയോ. ഷവോമി റെഡ്മി 5എ സ്മാര്‍ട്‌ഫോണ്‍ വാങ്ങുന്നവര്‍ക്ക് റിലയന്‍സ് ജിയോയുടെ പുതിയ 199 രൂപയുടെ ഓഫര്‍ പ്ലാനിലൂടെ പരിധിയില്ലാത്ത വിളികളും ദിവസേന ഒരു ജിബി ഡാറ്റ പരിധിയില്ലാത്ത എസ്എംഎസ് എന്നിവയും ലഭിക്കും. ഓഫർ വാലിഡിറ്റി 28 ദിവസത്തേക്കാണ്.

റെഡ്മി 5എ സ്മാര്‍ട്‌ഫോണിന്റെ 2 ജിബി റാമിന്റെ പതിപ്പിന് 5,999 രൂപയാണ് യഥാര്‍ത്ഥവില. എന്നാല്‍ തുടക്കത്തില്‍ 1,000 രൂപ വില കുറച്ച് 4,999 രൂപയ്ക്കാണ് ഫോണ്‍ വില്‍പ്പനയ്‌ക്കെത്തിക്കുന്നത്. മൂന്ന് ജിബി റാമുള്ള പതിപ്പിന് 6,999 രൂപയാണ് വില. അഞ്ച് ഇഞ്ചിന്റെ 720 പിക്സല്‍ എച്ച്ഡി ഡിസ്പ്ലേ, ക്വാഡ് കോര്‍ സ്നാപ്ഡ്രാഗണ്‍ 425 പ്രൊസസർ, 13 മെഗാപിക്സല്‍ റിയര്‍ ക്യാമറ, അഞ്ച് മെഗാപിക്സല്‍ സെല്‍ഫി ക്യാമറ, 3000 mAh ബാറ്ററി എന്നിവയാണ് ഫോണിന്റെ പ്രത്യേകതകൾ. ആന്‍ഡ്രോയിഡ് ന്യൂഗട്ട് അടിസ്ഥാനമാക്കി പ്രവര്‍ത്തിക്കുന്ന എഐയുഐ 9 ഓപറേറ്റിങ് സിസ്റ്റമാണ് ഫോണിനുണ്ടാവുക.