മയക്കുമരുന്നും വ്യാജ യു.എ.ഇ ദിര്‍ഹവുമായി യുവാവ് പിടിയില്‍

മലപ്പുറം: മെഥിലിന്‍ ഡെയോക്സി ആംഫെറ്റെയിൻ എന്ന മയക്കുമരുന്നും വ്യാജ യു.എ.ഇ. ദിര്‍ഹവുമായി യുവാവ് പിടിയില്‍. നെടിയിരുപ്പ് പൂളയ്ക്കല്‍ മുജീബ് റഹ്മാന്‍ (ബോംബെ നാണി-37) ആണ് പിടിയിലായത്. 24 പായ്ക്കറ്റുകളിലായി 16 ഗ്രാം മയക്കുമരുന്ന് ഇയാളുടെ പക്കൽ നിന്ന് കണ്ടെടുത്തു.

കേരളത്തില്‍ ആദ്യമായാണ് ഈ മയക്കുമരുന്ന് പിടികൂടുന്നതെന്ന് ഡിവൈ.എസ്.പി ജലീല്‍ പറഞ്ഞു. മൂന്നുമുതല്‍ ആറുമണിക്കൂര്‍ വരെ ഉത്തേജനം ലഭിക്കുന്ന മയക്കുമരുന്നാണ് എം.ഡി. ഗോവയിലെ ബീച്ചുകള്‍ കേന്ദ്രീകരിച്ചുള്ള പാര്‍ട്ടികളിലാണ് ഉപയോഗിക്കുന്നത് . മുംബെയില്‍നിന്നാണ് മയക്കുമരുന്ന് കൊണ്ടുവന്നതെന്നാണ് മുജീബ്റഹ്മാന്‍ പോലീസിനോട് പറഞ്ഞിരിക്കുന്നത്. 200-ന്റെ 10 വ്യാജ യു.എ.ഇ. ദിര്‍ഹമാണ് ഇയാളില്‍നിന്ന് കണ്ടെടുത്തത്. വ്യാജ കറന്‍സിയും മുംബൈയില്‍നിന്ന് സംഘടിപ്പിച്ചതാണ്.