കുമളി: സംസ്ഥാനത്ത് അജ്ഞാത സംഘം കുട്ടികളെ തട്ടിക്കൊണ്ടുപോകാൻ ശ്രമിച്ചു. കുമളി മുരുക്കടിയിലാണ് നാടിനെ നടുക്കിയ സംഭവം നടന്നത്. അജ്ഞാത സംഘം മൂന്നു കുട്ടികളെ തട്ടികൊണ്ടു പോകാനായി നടത്തിയ ശ്രമം തോട്ടം തൊഴിലാളികൾ ഇടപ്പെട്ട് പരാജയപ്പെടുത്തി.
കുട്ടികൾ വീട്ടിൽ തനിച്ചായിരുന്ന സമയം നോക്കിയാണ് അജ്ഞാത സംഘം കുട്ടികളെ തട്ടിക്കൊണ്ടുപോകാൻ ശ്രമിച്ചത്. ഇവർ കുട്ടികളുടെ വായ് മൂടിപ്പിടിച്ചു കൊണ്ടാണ് തട്ടിക്കൊണ്ടു പോകാനുള്ള ശ്രമം നടത്തിയത് . തോട്ടം തൊഴിലാളികൾ സംഭവം കണ്ടു എന്നു മനസിലായതോടെ അജ്ഞാത സംഘം കുട്ടികളെ കുളത്തിലേക്കു വലിച്ചെറിഞ്ഞു. അതിനുശേഷം അവർ രക്ഷപ്പെട്ടു. പിന്നീട് സംഭവം അറിഞ്ഞ നാട്ടുകാരാണ് കുട്ടികളെ കുളത്തിൽനിന്നും കരകയറ്റിയത്.
Post Your Comments