വാഷിംഗ്ടണ്‍: മാധ്യമപ്രവര്‍ത്തകര്‍ക്കരെ ഭീഷണിപ്പെടുത്തിയ ട്രംപിന്‍റെ മുന്‍ ഉപദേശകന്‍റെ അക്കൗണ്ട് നീക്കംചെയ്തു. യുഎസ് പ്രസിഡന്‍റ് ഡോണള്‍ഡ് ട്രംപിന്‍റെ മുന്‍ ഉപദേശകന്‍ റോജര്‍ സ്റ്റോണിന്‍റെ അക്കൗണ്ട് ട്വിറ്റര്‍ നീക്കം ചെയ്തത്.
ട്വിറ്റര്‍ ഉപയോഗം സംബന്ധിച്ച ചട്ടങ്ങള്‍ സ്റ്റോണ്‍ ലംഘിച്ചുവെന്നാണ് കണ്ടെത്തല്‍. സിഎന്‍എന്‍ ചാനല്‍ അവതാരകന്‍ ഡോണ്‍ ലെമോണ്‍ അടക്കമുള്ള മാധ്യമപ്രവര്‍ത്തകരെ വ്യക്തിപരമായി അധിക്ഷേപിച്ചുകൊണ്ടുള്ള ട്വീറ്റുകളുടെ പേരിലാണ് നടപടി. കഴിഞ്ഞ മാര്‍ച്ച്‌, ഏപ്രില്‍ മാസങ്ങളിലും സ്റ്റോണിന്‍റെ ട്വിറ്റര്‍ അക്കൗണ്ട് താല്‍കാലികമായി നീക്കംചെയ്തിരുന്നു.
കഴിഞ്ഞവര്‍ഷം നവംബറില്‍ നടന്ന യുഎസ് പ്രസിഡന്‍റ് തെരഞ്ഞെടുപ്പിലെ റഷ്യയുടെ ഇടപെടലിനെക്കുറിച്ചുള്ള അന്വേഷണ റിപ്പോര്‍ട്ട് സംബന്ധിച്ച വാര്‍ത്ത സിഎന്‍എന്‍ പ്രസിദ്ധീകരിച്ചിരുന്നു. ഇതേത്തുടര്‍ന്നാണ് ചാനലിനെതിരെ സ്റ്റോണ്‍ “ട്വീറ്റര്‍ ആക്രമണം’തുടങ്ങിയത്. കരുതിക്കൂട്ടി അധിക്ഷേപം നടത്തിയതാണ് നടപടി എടുക്കാന്‍ കാരണമായതെന്ന് ട്വിറ്റര്‍ വ്യക്തമാക്കി.
Post Your Comments