നോട്ട് നിരോധനത്തിന്‍റെ ഗുണദോഷങ്ങളെക്കുറിച്ച് എസ്.ബി .ഐ മുൻ ചെയർമാൻ അരുന്ധതി പ്രതികരിക്കുന്നു

ന്യൂഡൽഹി: നോട്ട്​ നിരോധനത്തിനായി തയാറെടുക്കാൻ ബാങ്കുകൾക്ക്​ കൂടുതൽ സമയം നൽകണ​മായിരുന്നുവെന്ന്​ എസ്​.ബി.ഐ മുൻ ചെയർമാൻ അരുന്ധതി ഭട്ടാചാര്യ. പെട്ടന്നുള്ള പ്രഖ്യാപനം ബാങ്കുകൾക്ക്​ കടുത്ത പ്രതിസന്ധിയുണ്ടാക്കിയതായും മുബൈയിൽ നടന്ന ചടങ്ങിൽ അരുന്ധതി ഭട്ടാചാര്യ പറഞ്ഞു.

നോട്ട്​ നിരോധനത്തിനായി ഒരുങ്ങാൻ കൂടുതൽ സമയം ലഭിച്ചിരുന്നുവെങ്കിൽ കുറച്ച്​ കൂടി മെച്ചപ്പെട്ട പ്രവർത്തനം കാഴ്​ച​വെക്കാൻ ബാങ്കുകൾക്ക്​ സാധിക്കുമായിരുന്നു. പണം ഒരു സ്ഥലത്ത്​ നിന്ന് മറ്റൊരുടത്തേക്ക്​ കൊണ്ട്​ പോകണമെങ്കിൽ എസ്​.ബി.ഐക്ക്​ അവരുടേതായ നിയമങ്ങളുണ്ടെന്നും അവർ പറഞ്ഞു​.നോട്ട്​ നിരോധനത്തിന്​ ശേഷം എ.ടി.എമ്മുകളിൽ പണം ലഭിക്കാത്തതിനെ തുടർന്ന്​ എസ്​.ബി.ഐ ഉൾപ്പടെയുള്ള ബാങ്കുകൾക്കെതിരെ രൂക്ഷമായ വിമർശനങ്ങൾ ഉയർന്നിരുന്നു.