നിരവധി ജീവനുകള്‍ കവര്‍ന്ന ബ്ലൂവെയില്‍ എന്ന കൊലയാളി ഗെയിമിന് പിന്നാലെ മറ്റൊരു ഗെയിംകൂടി വരുന്നു. 48 മണിക്കൂര്‍ നേരത്തേയ്ക്ക് ആരോടും പറയാതെ ഒളിവില്‍ പോകുക എന്നതാണ് ചലഞ്ച്. മിസിങ് ചലഞ്ച് എന്നറിയപ്പെടുന്ന ഗെയിം അയര്‍ലണ്ടിലാണ് പ്രത്യക്ഷപ്പെടുന്നത്. ഈ സമയത്തിനിടെ പരിഭ്രാന്തരായ സുഹൃത്തുക്കളും ബന്ധുക്കളും പോസ്റ്റ് ചെയ്യുന്ന ഫേസ്ബുക്ക് പോസ്റ്റുകളുടെയും അയയ്ക്കുന്ന മെസേജുകളുടെയും എണ്ണത്തിലാണ് സ്കോര്‍ നിര്‍ണ്ണയിക്കുക.
പേരു വെളിപ്പെടുത്താനാഗ്രഹിക്കാത്ത അയര്‍ലന്‍ഡുകാരിയായ സ്ത്രീയാണ് തന്റെ 12 വയസ്സുകാരിയായ മകള്‍ വെളിപ്പെടുത്തലുമായി എത്തിയിരിക്കുന്നത്. ഏതെങ്കിലും കുട്ടികള്‍ ഈ അപകടം പിടിച്ച കളിയില്‍ ഏര്‍പ്പെട്ടിട്ടുണ്ടോ എന്നു ഉറപ്പായിട്ടില്ലെങ്കിലും സംഭവത്തില്‍ ഫേസ്ബുക്ക് അന്വേഷണം ആരംഭിച്ചു കഴിഞ്ഞു. ഇതോടൊപ്പം ഇതേ ചലഞ്ചിന്റെ ഭാഗമെന്ന് സംശയിക്കത്ത രീതിയില്‍ മറ്റു ചില കുട്ടികളെയും വീട്ടില്‍ നിന്നു കാണാതാകുകയും പിന്നീട് തനിയെ പ്രത്യക്ഷപ്പെടുകയും ചെയ്തിരുന്നു.
Post Your Comments