ഇരട്ടകൂട്ട മാനഭംഗത്തിന് ഇരയായ പെ​ൺ​കു​ട്ടി ആത്മഹത്യ ചെയ്തു

ലക്നൗ: ഇ​ര​ട്ട​കൂ​ട്ട​മാ​ന​ഭം​ഗ​ത്തി​ന് ഇ​ര​യാ​യ പെ​ൺ​കുട്ടി തൂ​ങ്ങി​മ​രി​ച്ചു. കൂ​ട്ട​മാ​ന​ഭം​ഗ​ക്കേ​സി​ലെ പ്ര​തി​ക​ൾ കേ​സി​ൽ ക്ലീ​ൻ​ചി​റ്റ് ല​ഭി​ച്ച​തി​നെ തു​ട​ർ​ന്ന് വീ​ണ്ടും പീ​ഡി​പ്പി​ച്ചതിനെ തുടർന്നാണ് പെ​ൺ​കു​ട്ടി​ ആത്മഹത്യ ചെയ്തത്.

ഉ​​ത്ത​ർ​പ്ര​ദേ​ശി​ലെ ബാ​ഗ്പ​ത് ജി​ല്ല​യി​ലാ​രു​ന്നു സം​ഭ​വം. ര​ണ്ടു മാ​സ​ങ്ങ​ൾ​ക്കു​മു​മ്പാ​ണ് പെ​ൺ​കു​ട്ടി മാ​ന​ഭം​ഗ​ത്തി​ന് ഇ​ര​യാ​യ​ത്. സം​ഭ​വു​മാ​യി ബ​ന്ധ​പ്പെ​ട്ട് പെ​ൺ​കു​ട്ടിയു​ടെ പി​താ​വ് അ​ഞ്ച് യു​വാ​ക്ക​ൾ​ക്കെ​തി​രെ ര​മാ​ല പോ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി​യി​രു​ന്നു. എ​ന്നാ​ൽ അ​ന്വേ​ഷ​ണ​ത്തി​നൊ​ടു​വി​ൽ പ്ര​തി​ക​ൾ​ക്ക് ക്ലീ​ൻ​ചി​റ്റ് ന​ൽ​കി​യാ​ണ് പോ​ലീ​സ് കോ​ട​തി​യി​ൽ അ​ന്തി​മ റി​പ്പോ​ർ​ട്ട് സ​മ​ർ​പ്പി​ച്ച​ത്. കൂ​ട്ട​മാ​ന​ഭം​ഗം ന​ട​ന്ന​തി​നു തെ​ളി​വി​ല്ലെ​ന്നാ​യി​രു​ന്നു പോ​ലീ​സി​ന്‍റെ ക​ണ്ടെ​ത്ത​ൽ.

വെ​ള്ളി​യാ​ഴ്ച ച​ന്ത​യി​ൽ​പോ​യ പെ​ൺ​കു​ട്ടി​യെ പ്ര​തി​ക​ൾ വീ​ണ്ടും മാ​ന​ഭം​ഗ​ത്തി​ന് ഇ​ര​യാ​ക്കി. വീ​ട്ടി​ൽ തി​രി​ച്ചെ​ത്തി​യ പെ​ൺ​കു​ട്ടി അ​മ്മ​യോ​ട് പീ​ഡ​ന​വി​വ​രം പ​റ​ഞ്ഞു. പി​ന്നീ​ട് മു​റി​യി​ൽ​ക​യ​റി ഫാ​നി​ൽ തൂ​ങ്ങി​മ​രി​ക്കു​ക​യാ​യി​രു​ന്നു.