വിദ്യാനഗര്‍: ഗള്‍ഫിലുള്ള യുവതി സ്വന്തം ഭാര്യയാണെന്ന് അവകാശപ്പെട്ട് സംഘട്ടനത്തിലേര്‍പെട്ട രണ്ടു പേർ അറസ്റ്റിൽ. വിദ്യാനഗര്‍ കൊല്ലങ്കാന സ്വദേശിയായ സ്റ്റാനി റോഡ്രിഗസ് (40), തിരുവനന്തപുരം സ്വദേശിയായ സുഭാഷ് (35) എന്നിവരാണ് പിടിയിലായത്. ഭർത്താവും കുട്ടികളുമുള്ള യുവതിയെ ചൊല്ലിയാണ് ഇരുവരും ഏറ്റുമുട്ടിയത്. യുവതി ഗള്‍ഫിലാണ്. ഈ യുവതി തന്റെ ഭാര്യയാണെന്ന് സ്റ്റാനി അവകാശപ്പെട്ടപ്പോള്‍ തന്റെ ഭാര്യയാണെന്നും അതില്‍ മറ്റാര്‍ക്കും അവകാശമില്ലെന്നും സുഭാഷും വ്യക്തമാക്കി.
ഇതോടെ സ്റ്റാനിയും സുഭാഷും തമ്മില്‍ ഉന്തുംതള്ളുമുണ്ടാകുകയും സംഘട്ടനത്തിൽ കലാശിക്കുകയുമായിരുന്നു. നാട്ടുകാരാണ് ഇക്കാര്യം പോലീസിൽ അറിയിച്ചത്. തുടർന്ന് എസ് ഐ വിനോദ് കുമാറിന്റെ നേതൃത്വത്തിലുള്ള പോലീസ് സംഘം ഇരുവരെയും കസ്റ്റഡിയിലെടുത്തു.
Post Your Comments