ജോര്‍ഹാത്: ലാന്‍ഡിംഗിനിടെ വിമാനം റണ്‍വേയില്‍ നിന്ന് തെന്നിമാറി. പൈലറ്റിന്റെ സമയോചിതമായ ഇടപെടല്‍ മൂലം വലിയ ദുരന്തം ഒഴിവായി. ആസാമിലെ റോവ്‌റിയ വിമാനത്താവളത്തില്‍ ജെറ്റ് കണക്റ്റ് വിമാനമാണ് റണ്‍വേയില്‍നിന്ന് തെന്നിമാറിയത്. വിമാനത്തിലെ യാത്രക്കാരെല്ലാം സുരക്ഷിതരാണെന്ന് അധികൃതര്‍ അറിയിച്ചു.
ചൊവ്വാഴ്ച ഉച്ചകഴിഞ്ഞാണ് സംഭവമുണ്ടായത്. ലാന്‍ഡിംഗിനുശേഷം പാര്‍ക്കിംഗ് ബേയിലേക്കുള്ള ആദ്യ തിരിവില്‍ വിമാനത്തിന്റെ ടയറുകള്‍ ചതുപ്പില്‍ താഴുകയായിരുന്നു. ഡല്‍ഹി, കൊല്‍ക്കത്ത എന്നിവിടങ്ങളിലേക്ക് ആഭ്യന്തര സര്‍വീസ് നടത്തുന്ന വിമാനമാണ് അപകടത്തില്‍പ്പെട്ടത്. വിമാനത്തില്‍ 95 യാത്രക്കാരാണ് ഉണ്ടായിരുന്നത്.
Post Your Comments