റോം: കൊളംബിയിന്‍ നഗരമായ കാര്‍ട്ടാഗനയില്‍ കാത്തുനിന്നവര്‍ക്ക് മുന്നിലേക്ക് മാര്‍പാപ്പ എത്തിയത് തിരുവസ്ത്രത്തിലും മുഖത്തും ചോരപ്പാടുകളുമായി. പര്യടനത്തിനിടെ പാപ്പാ മൊബീലില്‍ തലയിടിച്ച്‌ പോപ്പിന് നിസ്സാരമായ പരിക്കുകളുണ്ടായത്.
പരിക്കേറ്റ പോപ്പിന് ഐസ് ഉപയോഗിച്ച്‌ പ്രാഥമീക ശിശ്രൂഷ നല്‍കി. എങ്കിലും പര്യടന പരിപാടികളില്‍ മാറ്റം വരുത്തുവാന്‍ പോപ്പ് തയ്യാറായില്ല. ഇടതുകണ്ണ് വിങ്ങിയ നിലയിലാണുള്ളത് അദ്ദേഹം പര്യടനം തുടര്‍ന്നത്.
ജനങ്ങളെ അഭിസംബോധന ചെയ്ത് നീങ്ങുന്നതിനിടെ ബാലന്‍സ് നഷ്ടപെട്ട് പ്രത്യേക വാഹനമായ പാപ്പാ മൊബീലിന്റെ വശത്തുള്ള കമ്പിയില്‍ തലയിടിക്കുകയായിരുന്നു. മുഖത്തിന്റെ ഇടതുഭാഗമാണ് കമ്പിയില്‍ ഇടിച്ചത്. കണ്‍പോളയ്ക്കും കവിളിനും ക്ഷതമേറ്റിട്ടുണ്ട്. നേരത്തെ വെനസ്വലയിലെ പ്രശ്നങ്ങള്‍ക്ക് സമാധാന പൂര്‍വമായ പരിഹാരം കണ്ടെത്തണമെന്ന് അദ്ദേഹം പറഞ്ഞിരുന്നു.
Post Your Comments