ആലപ്പുഴ ; ചതുപ്പിൽ നിന്നും കരയ്ക്കു കയറ്റി വീണ്ടും ഇടഞ്ഞ ആനയെ തളച്ചു. മയക്കുവെടി വെച്ചാണ് ആനയെ തളച്ചത്. വീണ്ടും ഇടഞ്ഞ ആന സമീപത്തെ ഒരു വീട് തകർത്തു. 17 മണിക്കൂര്‍ നീണ്ട പരിശ്രമത്തിനൊടുവിലാണ് ചതുപ്പില്‍ വീണ ആനയെ രക്ഷിച്ചത്.
ചൊവ്വാഴ്ച രാവിലെ മുല്ലയ്ക്കല്‍ ക്ഷേത്രത്തിലെ മുല്ലയ്ക്കല്‍ ബാലകൃഷ്ണന്‍ എന്ന ആന ലോറിയില്‍ കൊണ്ടുപോകുകയായിരുന്നപ്പോളാണ് ഇടഞ്ഞോടി ചതുപ്പിൽ വീണത്. ഓട്ടത്തിനിടെ വീടിന്‍റെ മതിലും ഓട്ടോറിക്ഷയും ആന തകർത്തിരുന്നു.
ആന അകപ്പെട്ട സ്ഥലത്ത് റോഡില്ലാതിരുന്നത് രക്ഷാപ്രവർത്തനം ദുരിതത്തിലാക്കി. ഇതേതുടർന്ന് ജെസിബി, ക്രെയിൻ എന്നിവ എത്തിക്കാൻ കഴിഞ്ഞില്ല. രക്ഷാപ്രവർത്തനം മണിക്കൂറുകളോളം പിന്നിട്ടതിനെ തുടർന്ന് അവശനിലയിലായിരുന്നു ആന. ഇതേതുർന്ന് ഗ്ലൂക്കോസും മറ്റു മരുന്നുകളും നൽകിയാണ് ആനയുടെ ജീവൻ നിലനിർത്തിയത്.
Post Your Comments