മുംബൈ: 5 ജി ഇന്റര്‍നെറ്റ് സേവനം രാജ്യത്ത് ലഭ്യമാക്കുവാനുള്ള നടപടിയുമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ. ഈ നടപടിയുടെ ഭാഗമായി സ്‌പെക്ട്രം ലേലത്തിനൊരുങ്ങി ട്രായ്. ഇതിനു വേണ്ടി ഒന്‍പതു ബാന്‍ഡുകളുടെ ലേലത്തിനായുള്ള നിര്‍ദേശങ്ങള്‍ ട്രായി തേടി.
5 ജി ടെലികോം സേവനങ്ങള്‍ക്ക് അനുയോജ്യമായ 3300-3400, 3400-3600 മെഗാഹെട്‌സ് സ്‌പെക്ട്രങ്ങള്‍ ആദ്യമായാണു മൊബൈല്‍ സേവനങ്ങള്‍ക്കായി നല്‍കുന്നത്.അടുത്ത ലേലത്തില്‍ 700, 800, 900, 1800, 2100, 2300, 2500, 3300-3400, 3400-3600 മെഗാഹെട്‌സ് ബാന്‍ഡുകളിലെ സ്‌പെക്ട്രങ്ങളുടെ ലേലമാണ് നടത്തുകയെന്ന് ട്രായ് അറിയിച്ചു.
കഴിഞ്ഞ ലേലത്തില്‍ വില്‍ക്കാത്ത റേഡിയോ തരംഗങ്ങളുടെ 60 ശതമാനവും രണ്ടു പുതിയ ബാന്‍ഡുകളിലെ 250 മെഗാഹെട്‌സ് സ്‌പെക്ട്രവും ലേലത്തില്‍ വയ്ക്കും.
Post Your Comments