കൽപ്പറ്റ: കാട്ടാനയുടെ ആക്രമണത്തിൽ പരിക്കേറ്റ എഎസ്ഐ മരിച്ചു. വയനാട് മേപ്പാടി സ്വദേശിയും ഡൽഹി പോലീസിലെ എഎസ്ഐയുമായ രാധാകൃഷ്ണനാണ് മരിച്ചത്. സുല്‍ത്താന്‍ ബത്തേരിയിൽ നടന്ന കാട്ടാനയുടെ ആക്രമണത്തിലായിരുന്ന എഎസ്എെ രാധാകൃഷ്ണനു പരിക്കേറ്റത്. രണ്ടാഴ്ച മുമ്പായിരുന്നു സംഭവം നടന്നത്.
രാധാകൃഷ്ണന്‍ മകളെ മൈസുരുവില്‍ എംബിബിഎസിന് ചേര്‍ത്ത് വയനാട് മേപ്പാടിയിലെ വീട്ടിലേക്ക് മടങ്ങുകയായിരുന്നു.രാത്രിയില്‍ കാറിന്‍റെ ഹെഡ് ലൈറ്റ് കേടായതിനെ തുടര്‍ന്ന് പരിശോധിക്കാന്‍ വേണ്ടി പുറത്തിറങ്ങിയപ്പോഴായിരുന്നു കാട്ടാനയുടെ ആക്രമണം. കാറിലുണ്ടായിരുന്ന മകളും ബന്ധുവും അദ്ഭുതകരമായി രക്ഷപ്പെട്ടു. ഗുരുതര പരിക്കേറ്റ രാധാകൃഷ്ണനെ ആദ്യം വയനാട്ടിലെ ആശുപത്രിയിലും പിന്നീട് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു. ഇന്ന് പുലർച്ചെ മരിച്ചു.
Post Your Comments