റാബത്ത്: ഒരു കൂട്ടം ആണ്‍കുട്ടികള്‍ ബസിനുള്ളില്‍ സംഘം ചേര്‍ന്ന് ഭിന്നശേഷിക്കാരിയായ യുവതിയെ ലൈംഗികമായി ഉപദ്രവിച്ചു. സംഭവത്തിന്റെ വീഡിയോ സോഷ്യല്‍ മീഡിയയില്‍ പ്രചരിച്ചതോടെ കടുത്ത പ്രതിഷേധമാണ് മൊറോക്കോയില്‍ ഉയരുന്നത്. ആണ്‍കുട്ടികള്‍ വലിയ ശബ്ദത്തില്‍ ചിരിക്കുന്നതും യുവതിയുടെ വസ്ത്രങ്ങള്‍ വലിച്ചു കീറുന്നതുമുള്‍പ്പെടെയുള്ള കാര്യങ്ങള്‍ വീഡിയോയില്‍ വ്യക്തമാണ്. മൊറോക്കോയിലെ കാസാബ്ലാങ്കയിലാണ് സംഭവം.
യുവതിയെ ശക്തമായ രീതിയില്‍ അപഹസിക്കുന്നതും കാണാം. ഇതിനിടെ
യുവതി കണ്ണീരോടെ സഹായത്തിന് അഭ്യര്‍ഥിക്കുന്നുണ്ട്. വീഡിയോ സോഷ്യല്‍ മീഡിയയില്‍ പോസ്റ്റ് ചെയ്തിട്ടുള്ളത് ഞായറാഴ്ചയാണ്. സംഭവത്തില്‍ കടുത്ത പ്രതിഷേധമാണ് ഉയര്‍ന്നിട്ടുള്ളത്. യുവതി സഹായത്തിനായി അഭ്യര്‍ഥിക്കുന്നുണ്ടെങ്കിലും ബസ് ഡ്രൈവറോ സഹയാത്രികരോ ഇടപെട്ടതുമില്ല. സംഭവവുമായി ബന്ധപ്പെട്ട് 15 നും 17 നും ഇടയില്‍ പ്രായമുള്ള ആറ് ആണ്‍കുട്ടികളെ അറസ്റ്റ് ചെയ്തതായി പോലീസ് അറിയിച്ചു.
Post Your Comments