കണ്ണൂര്‍: റിജില്‍ മാക്കുറ്റിയെ ക്ഷണിച്ചെന്ന വാര്‍ത്ത തള്ളി പി ജയരാജന്‍. ചാക്കിട്ടുപിടിക്കുന്ന പാര്‍ട്ടിയല്ല സിപിഎമ്മെന്ന് പി ജയരാജന്‍ പറഞ്ഞു. റിജില്‍ മാക്കുറ്റി സിപിഎമ്മിലേക്ക് ചേക്കേറുന്നുവെന്ന വാര്‍ത്തയാണ് കഴിഞ്ഞദിവസം പുറത്തുവന്നത്.
മറ്റ് പാര്‍ട്ടികളില്‍ പെട്ട നേതാക്കളെയോ പ്രവര്‍ത്തകരെയോ ചാക്കിട്ട് പിടിക്കുന്ന പാര്‍ട്ടിയല്ല സിപിഎം. അതേസമയം, ഫേസ്ബുക്ക് പോസ്റ്റില്‍ അദ്ദേഹം റിജിലിന്റെ പേര് പരാമര്‍ശിച്ചിട്ടില്ല. തങ്ങള്‍ തുടര്‍ന്ന് വരുന്ന രാഷ്ട്രീയം തെറ്റെന്ന് ബോധ്യപ്പെടുകയും അത് പരസ്യമായി പറഞ്ഞ് സിപിഎമ്മിന്റെ രാഷ്ട്രീയമാണ് ശരിയെന്ന് പ്രഖ്യാപിച്ച് മുന്നോട്ട് വരുന്ന വ്യക്തികളെ മാത്രമാണ് പാര്‍ട്ടി സ്വീകരിക്കുകയെന്നും ജയരാജന്‍ പറഞ്ഞു.
സ്വന്തം പാര്‍ട്ടിയില്‍ സമ്മര്‍ദ്ദ തന്ത്രം പ്രയോഗിക്കാന്‍ വേണ്ടി സിപിഎമ്മിലേക്കു പോകുന്നുവെന്ന പ്രചരണം നടത്തുന്നവരെ ജനം തിരിച്ചറിയുക തന്നെ ചെയ്യുമെന്നും അദ്ദേഹം കൂട്ടിച്ചേര്‍ത്തു.
Post Your Comments