പുലിയുടെ ശല്യം കാരണം ഫിലിം സിറ്റി പൂട്ടി

മുംബൈ: മുംബൈ ഗോരേഗാവ് ഫിലിം സിറ്റി പുലി ഭീതിയിൽ. പുലിയുടെ ശല്യം കാരണം ഫിലിം സിറ്റി ഒരാഴ്ചത്തേക്ക് അടച്ചിടാൻ തീരുമാനമായി. ഈ മേഖലയിൽ കഴിഞ്ഞ കുറച്ച് നാളുകൾക്കിടയിൽ നിരവധി പേരെയാണ് പുലി ആക്രമിച്ചത്. പുലിയെ പിടിക്കാൻ ഫിലിം സിറ്റിയിലും സമീപത്തെ കോളനിയിലും വനം വകുപ്പ് കെണികൾ സ്ഥാപിച്ചിട്ടുണ്ട്. സി സി ടി വി നിരീക്ഷണവും ശക്തമാക്കിയിട്ടുണ്ട്. സഞ്ജയ് ഗാന്ധി ദേശീയോദ്യാനത്തിലെ മലനിരകളുടെ സമീപമാണ് ഫിലിം സിറ്റി. ഇടയ്ക്കിടെ ഇവിടെ പുലിയിറങ്ങാറുണ്ട്. കഴിഞ്ഞ വെള്ളിയാഴ്ച്ച പതിമൂന്നുകാരനെ പുലി ആക്രമിച്ചതാണ് ഒടുവിലത്തെ സംഭവം