ദുബായ്: നിമിഷ നേരം കൊണ്ട് കോടികളുടെ വീടിന് ഉടമയായിരിക്കുകയാണ് പ്രവാസി ഇന്ത്യക്കാരനായ ഉബൈദുല്ല. യുഎഇ എക്സ്ചേഞ്ചിന്റെ ഈ വര്‍ഷത്തെ ഭാഗ്യശാലിയായ ഈ യുവാവാണ് “ദുബായിലൊരു വീട് “എന്ന സമ്മാനത്തിന് അര്‍ഹനായത്. അഞ്ച് ലക്ഷം ദിര്‍ഹം വിലമതിക്കുന്ന വീടാണ് ഇയാള്‍ക്ക് ലഭിച്ചത്. യുഎഇ എക്സ്ചേഞ്ചിന്റെ സമ്മര്‍ പ്രൊമോഷന്‍ 2017ന്റെ ഭാഗമായാണ് ദുബായിലൊരു വീട് പദ്ധതി നടപ്പാക്കിയത്.
അവസാന റൗണ്ടിലെത്തിയ 26 പേരിൽ നിന്നാണ് ഇദ്ദേഹത്തിന് നറുക്ക് വീണത്. ജീവിതത്തില്‍ ഇന്നു വരെ ഒരു സമ്മാനവും ലഭിച്ചിട്ടില്ലാത്ത വ്യക്തിയാണ് താനെന്ന് ഉബൈദുല്ല പറയുന്നു. ഈ നറുക്കെടുപ്പില്‍ വിജയിക്കുമെന്ന് പ്രതീക്ഷ ഉണ്ടായിരുന്നില്ലെന്നും അദ്ദേഹം പറഞ്ഞു. ദുബായിൽ തന്നെ സ്വന്തമായൊരു വീട് എന്നത് ഒരിക്കലും താൻ സ്വപ്നം കണ്ടിരുന്നില്ലെന്നാണ് ഉബൈദുല്ല പറയുന്നത്. ഈജിപ്ത്, കെനിയ, ഫിലിപ്പീന്‍സ്, ബംഗ്ലാദേശ്, ഇന്ത്യ, പാകിസ്താന്‍, ശ്രീലങ്ക എന്നീ രാജ്യക്കാർ അവസാന റൗണ്ടിൽ എത്തിയിരുന്നു.
Post Your Comments