മദനിക്ക് മകന്റെ കല്യാണത്തില്‍ പങ്കെടുക്കുന്നതില്‍ തീരുമാനമായി

ന്യൂഡൽഹി: മകൻ വിവാഹത്തിൽ പങ്കെടുക്കാൻ പിഡിപി ചെയർമാൻ അബ്ദുൾ നാസർ മഅദനിക്ക് സുപ്രീംകോടതി അനുമതി നൽകി. മഅദനി നൽകിയ ഹർജി പരിഗണിച്ചാണ് കോടതി തീരുമാനം.

മഅദനിക്ക് വിവാഹത്തിൽ പങ്കെടുക്കാൻ അനുമതി നൽകുന്നതിനെ കർണാടക സർക്കാർ ശക്തമായി എതിർത്തിരുന്നു. വിവാഹത്തിൽ പങ്കെടുക്കാൻ മഅദനി പോകുന്പോൾ വരുന്ന ചിലവ് വഹിക്കാൻ കഴിയില്ലെന്നും സർക്കാർ നിലപാടെടുത്തു.

സുരക്ഷ ചിലവ് വഹിക്കാൻ തങ്ങൾ തയാറാണെന്ന് മഅദനിയുടെ അഭിഭാഷകൻ കോടതിയെ അറിയിച്ചതോടെയാണ് വിഷയത്തിൽ തീരുമാനമായത്. സുരക്ഷ ചിലവ് വഹിക്കാമെന്ന മഅദനിയുടെ വാദം അംഗീകരിച്ചാണ് കോടതി വിവാഹത്തിൽ പങ്കെടുക്കാൻ അനുമതി നൽകിയത്.